మొత్తానికి మహేష్ మొదలెడుతున్నాడు..

By Staff

Published: Saturday, March 14, 2026, 1:05 [IST]

మహేష్ షూటింగ్ ఎప్పుడు మొదలవుతుందా అని ఎదురుచూస్తున్న మహేష్ అభిమానులకు శుభ వార్త ఇది. అక్టోబర్ 15 నుంచీ త్రివిక్రమ్ షూటింగ్ మొదలుపెట్టనున్నాడు. పర్షియన్ గల్ఫ్ లోని బహ్రెయన్ ఎడారులలో మొదటి షెడ్యూలు ప్రారంభించటానికి భారీ ఎత్తున సన్నాహాలు జరుగుతున్నాయి. అక్కడ సినిమాలోని కొన్ని మేజర్ యాక్షన్ ఎపిసోడ్లను,పార్వతీ మిల్టన్,ప్రిన్స్ కాంబినేషన్ లో రెండు పాటలను చిత్రీకరిస్తారు. ఇప్పటికే మణిశర్మ ఆ పాటలను రెడీ చేసాడు.మహేష్ అతిధి సినిమా అనంతరం చాలా గ్యాప్ తీసుకుని ఈ చిత్రం ప్రారంభించటం జర్గుతోంది.

బహ్రెయన్ షెడ్యూలు పూర్తయ్యాక రాజస్ధాన్ ఎడారులలో రెండో షెడ్యూల్ ప్రారంభిస్తారు. దీని నిమిత్తం యూనిట్ ఇప్పటికే బహ్రెయన్ కి బయిలుదేరిందనేది సమాచారం. ఇక ఈ సినిమా పూర్తి స్దాయి రొమాంటిక్ యాక్షన్ డ్రామా గా రూపుదిద్దుకోనుంది. అలాగే సెకెండ్ హీరోయిన్ గా ఎంపికచేసిన తమన్నా ఈ ప్రాజెక్టు నుండి తప్పుకోబోవటంతో మరో హీరోయిన్ కోసం సెర్చింగ్ స్టార్ట్ అయింది. ఇక ఈ చిత్రానికి కథ,మాటలు,స్క్రీన్ ప్లే,దర్శకత్వం త్రివిక్రమ్ అందించనున్నారు. ప్రముఖ ఫైనాన్సియరక్ శింగనమల రమేష్ ఈ చిత్రాన్ని నిర్మిస్తున్నారు. గతంలో త్రివిక్రమ్ కాంబినేషన్ లో మహేష్ అతడు అనే హిట్ ఇచ్చిఉండటంతో ట్రేడ్ లో ఈ సినిమాపై భారీ అంచనాలే ఉన్నాయి.

More from Filmibeat