మహేష్ టైటిల్ '1 నేనొక్కడినే', ఫస్ట్ లుక్ రిలీజ్(ఫోటోలు)

హైదరాబాద్ : మొత్తానికి మహేష్ చిత్రం టైటిల్ పై టెన్షన్ తొలిగింది. టైటిల్ ని '1 నేనొక్కడినే' అని ఫిక్స్ చేసారు. ఈ చిత్రం ఫస్ట్ లుక్ ని సూపర్ స్టార్ కృష్ణ పుట్టిన రోజు సందర్భంగా ఈ రోజు విడుదల చేసారు. మీరు చూస్తున్న ఫస్ట్ లుక్ అదే.

మహేష్‌బాబు నటిస్తున్న కొత్త చిత్రం పేరుపై సినీ వర్గాల్లో ఆసక్తికరమైన చర్చ సాగుతోంది. ఈ సినిమాకి 'ది ప్రిన్స్‌', 'కొలంబస్‌', 'వన్‌' అనే పేర్లు పరిశీలనలో ఉన్నాయని ప్రచారం జరుగాయి. కానీ ఫైనల్ గా ఈ చిత్రానికి ఈ చిత్రానికి '1 నేనొక్కడినే' అనే టైటిల్ ఖారారు అవ్వటం అభిమానుల్లో ఆనందాన్ని కలిగిస్తోంది.

దర్శకుడు సుకుమార్‌గానీ, నిర్మాతలుగానీ టైటిల్‌ విషయంలో గోప్యత పాటిస్తూ వస్తున్నారు. ప్రస్తుతం హైదరాబాద్‌లో చిత్రీకరణ సాగుతోంది. ఈ చిత్రంలో మహేష్‌కి జోడీగా కొత్తమ్మాయి కృతిసనన్ నటిస్తున్నారు. 14 రీల్స్ ఎంటర్‌టైన్‌మెంట్ పతాకంపై రామ్ ఆచంట, గోపీచంద్ ఆచంట, అనిల్ సుంకర నిర్మిస్తున్న ఈ చిత్రం షూటింగ్ ప్రస్తుతం హైదరాబాద్ అల్యుమినియం ఫ్యాక్టరీలో జరుగుతోంది.