మహేష్ బాబు యాడ్ సరదాగా ఉంది.... (వీడియో)

హైదరాబాద్: టాలీవుడ్ సూపర్ స్టార్ మహేష్ బాబు. ఇటు సినిమాలతో ఎంత బిజీగా ఉంటో.... అటు వివిధ కార్పొరెట్ కంపెనీల యాడ్స్‌లో నటిస్తూ అంతే బిజీగా ఉంటారు. ఇలా ఓ వైపు రెండు చేతులా సంపాదిస్తున్న మహేష్ బాబు పలు సేవా కార్యక్రమాలు కూడా చేస్తున్నాడు. హీల్ ఎ చైల్డ్ ఆర్గనైజేషన్ కి ఆర్ధికంగా తనవంతు సహాయం చేస్తున్నాడు.

రెయిన్‌బో హాస్పటల్ కు కూడా మహేష్ సహాయం అందుతోంది. మహేష్, అతని భార్య నమ్రత శిరోద్కర్ కలిపి ఛారిటీ కోసం ఓ అకౌంట్ మెయింటెన్ చేస్తూ ఈ సహాయ కార్యక్రమాలను చేస్తున్నారు. తాజాగా 'రెయిన్ బో హాస్పటల్స్'కు గుడ్ విల్ అంబాసిడర్ గా వ్యవహరించడానికి అంగీకరించాడు మహేష్ బాబు.

'చిన్న పిల్లలకు సంబందించిన 'రెయిన్ బో' హాస్పటల్ కు అంబాసిడర్ గా వ్యవహరించడం ఆనందంగా ఉంది. ఇకముందు ఈ హాస్పటల్ నిర్వహించే సామాజిక కార్యక్రమాల్లో పాల్గొంటాను. ఇలాంటి కార్యక్రమాల్లో పాల్గొనడం నా బాధ్యతగా ఫీలవుతున్నాను'' అని చెప్పాడు.