‘శబ్దాలయా స్టూడియోస్’లో బిజిగా వున్న మహేష్ బాబు

ప్రిన్స్ మహేష్ బాబు హీరోగా, సి.కళ్యాణ్ సమర్పణలో, త్రివిక్రమ్ శ్రీనివాస్‌ దర్శకత్వంలో సింగనమల రమేష్ నిర్మిస్తున్న చిత్రం షూటింగ్ ప్యాచ్ వర్క్ మినహా మొత్తం పూర్తైంది. ఈ చిత్రానికి 'ఖలేజా" అన్న వర్కింగ్ టైటిల్ ప్రచారంలో ఉన్నా మహేష్‌తో సహా అందరూ ఆ వార్తల్ని ఖండించిన సంగతి తెలిసిందే. ఆ తర్వాత 'సారధి" గా ప్రచారం జరిగింది.

ఈ చిత్రానికి సంబంధించిన డబ్బింగ్ కార్యక్రమాలను ఈరోజు నుంచి 'శబ్దాలయా స్టూడియోస్"లో ప్రారంభం కానున్నాయి. ఆగస్టు నెల ప్రధమార్ధంలో విడుదలయ్యే అవకాశాలున్న ఈ చిత్రంలో ప్రముఖ నటుడు, నిర్మాత ప్రకాష్ రాజ్ ఒక ముఖ్య పాత్రను పోషిస్తున్నాడు. అలాగా అనుష్క కూడా ప్రధాన ఆకర్షనగా కనిపించనుంది.ఈ సినిమా టైటిల్ అధికారికంగా ఇంకా ఖరారు కావాల్సి ఉంది.