twitter
    For Quick Alerts
    ALLOW NOTIFICATIONS  
    For Daily Alerts

    ఆడియో ఫంక్షన్ కు మహేష్ గెస్ట్ గా ఖరారు

    By Srikanya
    |

    హైదరాబాద్‌: మహేష్ బాబు తన సినిమా కాకుండా మరో సినిమాకు గెస్ట్ గా ఆడియో ఫంక్షన్ కి వెళ్లి ఆడియో విడుదల చేయనున్నారు. ఆ చిత్రం మరేదో కాదు.. 'ప్రేమ కథా చిత్రమ్‌' . తన సోదరి భర్త...బావ అయిన ఎస్‌ఎమ్‌ఎస్‌ ఫేం సుధీర్‌బాబు, నందిత జంటగా... 'ప్రేమ కథా చిత్రమ్‌' రూపొందింది.

    ఈ రోజుల్లో, బస్ స్టాప్ చిత్రాల కెమెరామెన్ జె.ప్రభాకర్‌రెడ్డి దర్శకత్వంలో 'ప్రేమ కథా చిత్రమ్‌' తయారవుతోంది. రీసెంట్ గా ఈ చిత్రం చిత్రీకరణ పూర్తి చేసుకుంది. మారుతీ టాకీస్‌ పతాకంపై తెరకెక్కనున్న ఈ చిత్రానికి జె.బి. సంగీతాన్ని అందించాడు. ఈ నెల 10న ఈ చిత్ర పాటలను.. మహేష్‌బాబు చేతుల మీదుగా ఘనంగా విడుదల చేసేందుకు యూనిట్‌ సన్నాహకాలు చేస్తోంది. ఈ రోజుల్లో, బస్టాప్‌ చిత్రాల దర్శకుడు మారుతి దర్శకత్వంలో రూపొందుతున్న ఈ చిత్రం ప్రస్తుతం నిర్మాణాంతర కార్యక్రమాలు జరుపుకుంటోంది.

    ఈ చిత్రం కథ వివరిస్తూ దర్శకుడు....విచిత్రమైనది ప్రేమ. అనుభవిస్తే కానీ... అర్థం కాదు. అందరిలాగే ఆ కుర్రాడు కూడా ఓ అమ్మాయిని చూసి మనసుపడ్డాడు. పీకల్లోతు ప్రేమలో కూరుకుపోయాడు. కానీ అవతలి నుంచే సరైన స్పందన రాలేదు. దీంతో ప్రేమలో ఓడిపోయానని తెలుసుకొన్నాడు. ఇక జీవితమే వద్దనుకొన్నాడు. ప్రాణాలు తీసుకొనేంతవరకూ వెళ్లిన ఆ కుర్రాడి జీవితంలో ఉన్నట్టుండి ఓ అనూహ్యమైన సంఘటన చోటు చేసుకొంది. అదేమిటో తెరపైనే చూడాలంటున్నారు జె.ప్రభాకర్‌రెడ్డి.

    అలాగే ''ఓ అబ్బాయి, ఓ అమ్మాయి జీవితాల్లో జరిగిన అనూహ్య సంఘటనల సమాహారమే ఈ చిత్రం. ప్రేమలో ఓడిపోయిన ఆ ఇద్దరూ తీసుకొన్న నిర్ణయమేమిటన్నది ఆసక్తికరం. ప్రతి సన్నివేశం ఉత్కంఠభరితంగా సాగుతుంది. కథలో మలుపులు ప్రేక్షకుల్ని రక్తికట్టిస్తాయి. జె.బి.సమకూర్చిన స్వరాలు చిత్రానికి బలాన్నిస్తాయి''అన్నారు. ''నాలుగు పాత్రలతో తెరకెక్కిన చిత్రమిది. మేలో ప్రేక్షకుల ముందుకు తీసుకొస్తామ''న్నారు నిర్మాతలు. సప్తగిరి, మారుతి, బిందు, విష్ణు ప్రియ, వెంకి తదితరులు నటించారు. ఈ చిత్రానికి కథ, మాటలు, స్క్రీన్‌ప్లే, దర్శకత్వ పర్యవేక్షణ: మారుతి.

    English summary
    Sudheer Babu’s upcoming film Prema Katha Chitram is gearing up for a grand audio launch on April 10. Mahesh Babu is going to launch the audio and the organizers are leaving no stone unturned to make the event a huge success. The film’s shooting has been wrapped up and currently it’s in post production stage. Sudheer Babu and Nandita have played the lead roles and it has been directed by J Prabhakar Reddy, who was the cinematographer for Maruthi’s Ee Rojullo and Bus Stop. Maruthi has written the story, screenplay, dialogues for Prema Katha Chitram apart from supervising the direction.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X