‘మహర్షి’ టీజర్ : మహేష్ బాబు కెరీర్లోనే ది బెస్ట్ అనేలా ఉంది

మహేష్ కెరీర్లో 25వ చిత్రం

మహేష్ బాబు కెరీర్లో ఇది 25వ చిత్రం. వంశీ పైడిపల్లి అద్భుతమైన కథతో రావడంతో తన ల్యాండ్ మార్క్ మూవీకి ఇదే కరెక్ట్ అని మహేష్ బాబు డిసైడ్ అయ్యాడు. రెండు సంవత్సరాల క్రితమే వంశీ ఈ కథను చెప్పగా... 25వ చిత్రంగా దీన్ని చేద్దామని చెప్పడంతో వంశీ కూడా ఓపికగా వెయిట్ చేశాడు.

ఎక్కడ చూసిన మహేష్ మయం

మహేష్ బాబు పుట్టినరోజు కావడం, అందులోనూ ఆయన సినిమా ఫస్ట్ లుక్ , టీజర్ విడుదల చేయడంతో సోషల్ మీడియా మొత్తం మహేష్ మయం అయిపోయింది. తెలుగు సినిమా సెలబ్రిటీలతో పాటు అభిమానులు మహేష్ బాబును విషెస్‌తో ముంచెత్తారు.

లుక్ విషయంలో స్పెషల్ కేర్

ఈ సినిమాలో మహేష్ బాబు లుక్ కొత్తగా కనిపించడం కోసం చాలా కేర్ తీసుకున్నారు. ముంబై నుండి హెయిర్ స్టైల్ నిపుణులు వచ్చి మహేష్ బాబును మేకోవర్ చేశారు. హెయిర్ స్టైల్, గడ్డం, కాస్టూమ్స్ ఇలా ప్రతి విషయంలోనూ మహేష్ బాబు కొత్తగా కనిపిస్తున్నారు.

ముఖ్యపాత్రల్లో...

ఈ చిత్రంలో మహేష్ బాబు సరసన పూజా హెగ్డే హీరోయిన్‌గా నటిస్తోంది. అల్లరి నరేష్‌ ఓ కీలకమైన పాత్ర పోషిస్తున్నారు. దేవిశ్రీ ప్రసాద్ సంగీతం అందిస్తున్న ఈ చిత్రానకి కేయూ మోహనన్‌ సినిమాటోగ్రఫీ అందిస్తున్నారు.

మహర్షి

వంశీపైడిపల్లి దర్శకత్వం వహిస్తున్న ఈ చిత్రాన్ని శ్రీ వెంకటేశ్వర క్రియేషన్స్, వై జయంతి మూవీస్, పివిపి సినిమా సంయుక్తంగా నిర్మిస్తున్నారు. షూటింగ్ శర వేగంగా జరుగుతోంది. డెహ్రాడూన్‌, హైదరాబాద్‌, గోవాలలో ఇప్పటికే షూటింగ్ షెడ్యూల్స్‌ పూర్తి చేసుకున్న ఈ చిత్రం.... 2019 ఏప్రిల్‌ 5న ప్రేక్షకుల ముందుకు రానుంది.