మహేష్ బాబులో ఇంత కిక్ ఎప్పుడూ చూడలేదంటున్న ఫ్యాన్స్!

నా జీవితంలో ఎప్పుడూ గుర్తుండి పోతోంది

‘మహర్షి' చిత్రం తన కెరీర్లో గుర్తుండి పోతుందని, భవిష్యత్తులో నా పిల్లలకు ఇలాంటి సినిమా చేశాను అని గర్వంగా చెప్పుకోగల ఆత్మవిశ్వాసాన్ని ఇచ్చిందని మహేష్ బాబు ఇప్పటికే ప్రకటించిన సంగతి తెలిసిందే. తన 25 సినిమాల కెరీర్లో తొలిసారిగా ఆయన ‘మహర్షి' సక్సెస్ మీట్‌లో కాలర్ ఎగరేసి సెన్సేషన్ క్రియేట్ చేశారు.

నీకు ఎప్పుడూ గ్రేట్‌ఫుల్‌గా ఉంటాను బ్రదర్

దర్శకుడు వంశీ పైడిపల్లిపై మరోసారి ప్రశంసలు గుప్పిస్తూ మహేష్ బాబు ట్వీట్ చేశారు. ‘నా కెరీక్లో అత్యంత ఎక్కవ గర్వంగా ఫీలయ్యే సినిమా నాకు ఇచ్చావు. ఈ కథలో మహేష్ బాబును తప్ప మరొకరిని ఊహించుకోలేను అని నువ్వు చెప్పిన మాట నాకు ఇప్పటికీ గుర్తుంది. ఇంతకంటే పెద్ద కాంప్లిమెంట్ ఏమీ ఉండదు సోదరా... నీకు ఎప్పుడూ గ్రేట్ ఫుల్‌గా ఉంటాను' అని మహేష్ బాబు తెలిపారు.

ఇలాంటి మంచి సినిమలు చేస్తూనే ఉండు

‘మహర్షి' మూవీ మనసుతో చేశాను అని చెప్పావు. నువ్వు మనసు పెట్టి చేసిన సినిమా కాబట్టే ఈ చిత్రం ఇంత పెద్ద విజయం అందుకోవడంతో పాటు ప్రేక్షకుల హృదయాలను గెలచుకుంది. నీ మీద ప్రేమ, గౌరవం మరింత పెరిగింది. ఇలాంటి మంచి సినిమాలు ఎన్నో అందించాలని కోరుకుంటున్నానట్లు వంశీ పైడిపల్లిని ఉద్దేశించి మహేష్ బాబు ట్వీట్ చేశారు.

బాక్సాఫీసు వద్ద దూసుకెళుతున్న ‘మహర్షి'

మరో వైపు బాక్సాఫీసు వద్ద ‘మహర్షి' చిత్రం భారీ వసూళ్లు సాధిస్తూ దూసుకెళుతోంది. ఆదివారంతో 11 రోజులు పూర్తి చేసుకున్న ఈ చిత్రం రూ. 90 కోట్లకుపైగా వరల్డ్ వైడ్ షేర్ సాధించింది. త్వరలోనే ఈ చిత్రం రూ. 100 కోట్ల షేర్ వసూలు చేస్తుందని అంచనా వేస్తున్నారు.

మహర్షి

మహేష్ బాబు కెరీర్లో 25వ చిత్రంగా ‘మహర్షి' తెరకెక్కింది. పూజా హెడ్గే హీరోయిన్‌గా నటించగా... అల్లరి నరేష్ కీలక పాత్ర పోషించారు. ఇంకా ఈ చిత్రంలో అనన్య, మీనాక్షి దీక్షిత్, జగపతి బాబు, రాజేంద్రప్రసాద్, సాయి కుమార్, ముఖేష్ రిషి, ప్రకాష్ రాజ్, నాజర్, నరేష్, పోసాని, జయసుధ తదితరులు ఇతర పాత్రల్లో నటించారు. దిల్ రాజు, అశ్వినీదత్, పివిపి నిర్మాతలు.