లండన్లో మహేష్ తనయుడు గౌతంపై సీన్ల చిత్రీకరణ

By Bojja Kumar

Published: Monday, July 8, 2013, 12:08 [IST]

హైదరాబాద్ : మహేష్ బాబు హీరోగా సుకుమార్ దర్శకత్వంలో రూపొందుతున్న '1'(నేనొక్కడినే) చిత్రం ద్వారా మహేష్ వారసుడు గౌతం కృష్ణ బాలనటుడుగా వెండితెర తెరంగ్రేటం చేయబోతున్న సంగతి తెలిసిందే. గతంలోనే ఈ విషయాన్ని మహేష్ బాబు ఓ ప్రెస్ మీట్లో స్పష్టం చేసాడు.

తాజాగా గౌతం కృష్ణ‌పై లండన్లో పలు సీన్లు చిత్రీకరిస్తున్నారు. ఈ చిత్రంలో గౌతం కృష్ణ...సినిమాలో మహేష్ బాబు చిన్ననాటి పాత్రను పోషించబోతున్నాడు. ఇందుకు సంబంధించిన సీన్లు ఆదివారం చిత్రీకరిచారు. మహేష్ బాబు తనయుడు తెరంగ్రేటం చేసే సినిమా కావడంతో '1' చిత్రంపై మంచి అంచనాలు నెలకొన్నాయి. స

గతంలో మహేష్ బాబు కూడా తన తండ్రి కృష్ణ నటించిన 'నీడ' చిత్రం ద్వారా 1979లో బాల నటుడిగా తెరంగ్రేటం చేయడంతో పాటు, పలు చిత్రాల్లో బాల నటుడిగా నటించి అందరినీ మెప్పించాడు. ఇప్పుడు గౌతం కూడా మహేష్ బాబు తరహాలోనే వెండితెరకు పరిచయం కాబోతుండటం విశేషం.

ఈ చిత్రంలో మహేష్ సరసన క్రితి సానన్ హీరోయిన్. దేవిశ్రీ ప్రసాద్ సంగీతం అందిస్తున్నారు. మహేష్‌బాబు పుట్టిన రోజైన ఆగస్ట్ 9న ఈ చిత్రం పాటలను విడుదల చేయాలని నిర్మాతలు ప్లాన్ చేస్తున్నారు. సెప్టెంబర్ 12న చిత్రాన్ని విడుదల చేయాలనుకుంటున్నట్లు వినికిడి. ఈ చిత్రానినికి సంగీతం: దేవిశ్రీ ప్రసాద్, సినిమాటోగ్రఫీ: ఆర్ రత్నవేలు, స్టూడియో: 14 రీల్స్ ఎంటర్ టైన్మెంట్స్, నిర్మాతలు: రామ్ ఆచంట, గోపీచంద్ ఆచంట, అనిల్ సుంకర, కథ-స్క్రీన్ ప్లే, దర్శకత్వం: సుకుమార్.