బాహుబలి లెక్కలు కూడా మటాష్.. మహేష్‌కు ‘సరిలేరు.. టీఆర్పీల్లో సూపర్ స్టార్ కొత్త రికార్డ్

Recommended Video

Mahesh Babu Sarileru Neekevvaru All Time TRP Record, Crosses Baahubali

కలెక్షన్ల సునామి..

యంగ్ డైరెక్టర్ అనిల్ రావిపూడి తెరకెక్కించిన సరిలేరు నీకెవ్వరు సంక్రాంతి సీజన్‌లో దుమ్ములేపింది. మహేష్ కెరీర్‌లోనే హయ్యస్ట్ ఓపెనింగ్స్, షేర్ సాధించిన చిత్రంగా రికార్డులకెక్కింది. వెండితెరపై మహేష్ బాబు చేసిన హల్చల్‌కు బుల్లితెర కూడా ఫిదా అయింది.

టీఆర్పీల్లో సరికొత్త రికార్డ్..

సరిలేరు నీకెవ్వరు చిత్రాన్ని రీసెంట్‌గా బుల్లితెరపై ప్రదర్శించారు. ఈ చిత్రానికి అత్యధిక టీఆర్పీ రేటింగ్ వచ్చింది. టాలీవుడ్ చరిత్రలోనే ఇంతటి రేటింగ్ రావడం ఇది తొలిసారి. ఈ దెబ్బకు బాహుబలి లాంటి చిత్రాలు కూడా వెనక్కి వెళ్లిపోయాయి.

అత్యధిక రేటింగ్‌తో టాప్..

ఇప్పటి వరకు బాహుబలి 2 చిత్రం అత్యధిక టీఆర్పీతో ( 22.7) టాప్‌లో ఉండగా.. సరిలేరు నీకెవ్వరు దాన్ని వెనక్కి నెట్టేసింది. గత వారం బుల్లితెరపై సరిలేరు నీకెవ్వరు ప్రీమియర్ రాగా అదిరిపోయే రేటింగ్ (23.4) వచ్చింది.

టాలీవుడ్ టాప్ 5 ఇవే..

ఇప్పటికే టీఆర్పీలో టాప్ 5గా నిలిచిన చిత్రాలను చూస్తే సరిలేరు నీకెవ్వరు (23.4), బాహుబలి 2 (22.7), శ్రీమంతుడు (22.54), డీజే (21.7), బాహుబలి (21.54) వరుసగా ఉన్నాయి. దీన్ని బట్టే మహేష్ రేంజ్ ఏంటో అర్థమవుతోంది.అయితే క్వారంటైన్, లాక్ డౌన్ ఉండటం వల్లే ఇంతటి రేటింగ్ సాధ్యమైందనే టాక్ వినిపిస్తోంది.