మహేష్ బాబు, చిరంజీవి మంతనాలు.. సూపర్ స్టార్ ఏమన్నాడంటే! నెట్టింట వైరల్ అవుతున్న పిక్స్

సీనియర్ తారలు.. సందడి వాతావరణం

ఈ వేడుక కృష్ణ‌, కృష్ణంరాజు, త‌ల‌సాని శ్రీనివాస‌యాద‌వ్‌, టి.సుబ్బ‌రామిరెడ్డి, ముర‌ళీమోహ‌న్‌, జ‌య‌ప్ర‌ద‌, జ‌య‌సుధ‌, సుమల‌త‌, రాజేంద‌ప్ర‌సాద్‌, న‌రేశ్‌, కోట‌శ్రీనివాస‌రావు స‌హా ప‌లువురు సినీ పెద్ద‌లు హాజ‌ర‌య్యారు. దీంతో సభా ప్రాంగణమంతా సందడి సందడిగా కనిపించింది.

మహేష్ బాబు, చిరంజీవి స్పెషల్ అట్రాక్షన్

అయితే ఈ వేడుకలో సూపర్ స్టార్ మహేష్ బాబు, మెగాస్టార్ చిరంజీవి స్పెషల్ అట్రాక్షన్‌గా నిలిచారు. సాధారణంగా చిరంజీవి, మ‌హేశ్‌ ఇద్దరూ కలిసి ఒకే వేడుక‌లో క‌న‌ప‌డ‌టం చాలా చాలా అరుదుగా చూశాం. అలాంటి అరుదైన సందర్భం ఈ వేడుకలో కనిపించడంతో కెమెరా కళ్లన్నీ ఆ ఇద్దరిపైనే పడ్డాయి.

అభిమానుల్లో జోష్ నింపేలా మహేష్ స్పీచ్

చిరంజీవి, మ‌హేశ్‌లు క‌లిసి కూర్చుని చాలాసేపు మాట్లాడుకున్నారు. ఈ అరుదైన కలయిక చుసిన ఇరువురి అభిమానులు ఖుషీ అవుతూ అందుకు సంబందించిన ఫోటోలను నెట్టింట తెగ షేర్ చేసుకుంటున్నారు. ఈ సందర్బంగా వేదికపై మహేష్ మాట్లాడిన మాటలు ఇరువురు అభిమానుల్లో జోష్ నింపాయి.

చిరంజీవితో మాట్లాడుతుంటే..

చిరంజీవిగారితో మాట్లాడుతుంటే ఓ ఎన‌ర్జీ వ‌స్తుంది. ఆయ‌న మరికొద్ది రోజుల్లో `సైరా న‌ర‌సింహారెడ్డి` సినిమాతో మ‌న ముందుకు రాబోతున్నారు. నేను కూడా సైరా కోసం ఎదురుచూస్తున్నాను. సైరా యూనిట్‌కు ఆల్ ది బెస్ట్‌`` అన్నారు. అలాగే ఈ వేడుకను నిర్వహిస్తున్న ప్రొడ‌క్ష‌న్ యూనియ‌న్‌కు మ‌హేశ్‌ అభినంద‌నలు తెలిపారు.

సరిలేరు నీకెవ్వరు.. సైరా నరసింహా రెడ్డి

ప్రస్తుతం మహేష్ బాబు 'సరిలేరు నీకెవ్వరు' సినిమా షూటింగ్ లో బిజీగా ఉన్నారు. అనిల్ రావిపూడి దర్శకత్వంలో ఈ సినిమా తెరకెక్కుతోంది. అలాగే చిరంజీవి ఇప్పటికే 'సైరా నరసింహా రెడ్డి' సినిమా షూటింగ్ ఫినిష్ చేసి ప్రమోషన్స్‌తో బిజీగా ఉన్నారు. అక్టోబర్ 2వ తేదీన భారీ అంచనాల నడుమ ఈ సినిమా విడుదల కానుంది.