మహేష్‌-శ్రీను వైట్ల చిత్రం ఎలా వుంటుంది?

మహేష్ బాబుతో తాను చేయబోయే చిత్రం ఎలా ఉంటుందో కామిడీ చిత్రాల దర్శకుడు శ్రీను వైట్ల చెప్పుకొచ్చారు. ఆయన మాటల్లోనే..నార్త్‌ ఇండియా నేపథ్యంలో కొనసాగే ఈ చిత్రంలో యాక్షన్‌ పార్ట్‌కు ఎక్కువ స్కోప్‌ వుంటుంది. మహేష్‌లోని పొటెన్షియాలిటి మొత్తం ఉపయోగించుకొని ఈ చిత్రాన్ని చేస్తాను. ఇప్పటి వరకు నా నుంచి వచ్చిన చిత్రాల్లో ఇది భిన్నంగా వుంటుంది. నా మార్క్‌ ఆఫ్‌ ఎంటర్‌టైన్‌మెంట్‌ను మాత్రం వదులుకోను అన్నారు.

ఇక ఈ చిత్రం గురించి ప్రత్యేకమైన ఇంటి సెట్ వేయిస్తున్నారు. హీరోయిన్ గా బాలీవుడ్ బ్యూటీ సోనమ్ కపూర్ (డిల్లీ-6,సావారియా ఫేమ్) ని అడుగుతున్నారు. అలాగే ఈ చిత్రంలోనూ బ్రహ్మానందంకు కీలకమైన పాత్ర ఉండబోతోంది. అలాగే మహేష్ గెటప్ ఇప్పటివరకూ ఉండని విధంగా ఉండాలని శ్రీను వైట్ల కసరత్తులు చేస్తున్నారు. వీటితో పాటు ఎలాగు త్రాగుడు సీను కూడా ఉంటుందని వేరేగా చెప్పక్కర్లేదు.