twitter
    For Quick Alerts
    ALLOW NOTIFICATIONS  
    For Daily Alerts

    రేపు పోలీస్ స్టేషన్‌కు మహేష్ బాబు!

    By Bojja Kumar
    |

    Mahesh Babu
    హైదరాబాద్: టాలీవుడ్ సూపర్ స్టార్ మహేష్ బాబు రేపు పోలీస్ స్టేషన్ గడప తొక్కబోతున్నారు. అయితే ఆయన ఎందుకు పోలీస్ స్టేషన్‌కు వెళ్లాల్సి వచ్చింది అనేది ఆసక్తికరంగా మారింది. అయితే ఇది కేవలం సినిమా షూటింగులో భాగమే. ప్రస్తుతం శ్రీను వైట్ల దర్శకత్వంలో 'ఆగడు' చిత్రంలో నటిస్తున్న మహేష్ బాబు ఇందులో పోలీస్ ఆఫీసర్ పాత్ర పోషిస్తున్నాడు.

    ఈ సినిమా కోసం ప్రత్యేకంగా హైదరాబాద్‌లో పోలీస్ స్టేషన్ సెట్ వేసారు. రేపటి (డిసెంబర్ 27) నుంచి ఇక్కడ షూటింగ్ జరుపనున్నారని తెలుస్తోంది. తాజాగా ఫిల్మ్ నగర్ వర్గాల నుంచి అందుతున్న సమాచారం ప్రకారం ఈ చిత్రంలో నదియా మహేష్ బాబు అక్క పాత్రలో నటించబోతోందని తెలుస్తోంది. సినిమాలో ఆమె పాత్ర ఎంతో కీలకంగా ఉండనుందిన సమాచారం.

    టాలీవుడ్ సూపర్ స్టార్ మహేష్ బాబు, హిట్ చిత్రాల దర్శకుడు శ్రీను వైట్ల కాంబినేషన్లో 2011లో వచ్చిన 'దూకుడు' మంచి వినోదాత్మక చిత్రంగా పేరు తెచ్చుకోవడంతో పాటు నిర్మాతలకు భారీ లాభాలు తెచ్చి పెట్టిన సంగతి తెలిసిందే. తాజాగా ఈ ఇద్దరి కాంబినేషన్లో తెరకెక్కుతున్న మరో చిత్రం ఆగడు.

    దూకుడు చిత్రాన్ని నిర్మించిన అనిల్ సుంకర, రామ్ ఆచంట, గోపీచంద్ ఆచంట ఈ చిత్రాన్ని 14 రీల్స్ ఎంటర్ టైన్మెంట్స్ పతాకంపై నిర్మిస్తున్నారు. ఈ చిత్రంలో మహేష్ బాబు పోలీస్ ఆఫీసర్ పాత్రలో కనిపించనున్నారు. ఈచిత్రంలో మహేష్ బాబు సరసన తమన్నా హీరోయిన్ గా నటిస్తోంది.

    ఎంటర్టెన్మెంట్ విషయంలో 'ఆగడు' చిత్రం గతంలో తమ కాంబినేషన్లో వచ్చిన 'దూకుడు' చిత్రానికి డబల్ డోస్‌లా ఉంటుందని శ్రీను వైట్ల ఇప్పటికే స్పష్టం చేసారు. అందుకు తగిన విధంగానే సినిమాను తెరకెక్కిస్తున్నారు. వీలైనంత త్వరగా షూటింగ్ పూర్తి చేసిన వేసవి కానుకగా సినిమాను వచ్చే ఏడాది మే నెలలో విడుదల చేయడానికి సన్నాహాలు చేస్తున్నారు.

    English summary
    Mahesh Babu will go to Police Station. His upcoming movie ‘Aagadu’ is currently being shot in and around Hyderabad. Mahesh Babu will be seen as a police officer in this movie and a massive set has been erected for the same.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X