ఫైనల్ గా మహేష్ తో ఆమె

By Staff

Published: Tuesday, June 2, 2009, 17:11 [IST]

'వరుడు' చిత్రంలో సెకెండ్ హీరోయిన్ పాత్ర కోసం జరుగుతున్న వేట ఓ కొలిక్కి వచ్చినట్లే నని తెలుస్తోంది. ఈ పాత్ర కోసం మొదట తమన్నాను సంప్రదించగా అంతగా ప్రాధాన్యత లేని రోలంటూ ఆమె నిరాకరించింది. ఆ తర్వాత ప్రియమణి పేరు ప్రచారంలోకి వచ్చింది. అయితే తనను ఎవరూ ఆ సినిమా కోసం సంప్రదించలేదని చెబుతూనే సెకెండ్ హీరోయిన్ పాత్రలు చేసేది లేదంటూ తెగేసి చెప్పింది. ఈ క్రమంలో 'వరుడు'తో జత కట్టేందుకు మమత మోహన్ దాస్ అంగీకరించినట్టు తెలుస్తోంది. ఈ చిత్రం తదుపరి షెడ్యూల్ సింగపూర్, మలేసియాలో జరగబోతోంది. ఈ షెడ్యూల్ లో మమత పాల్గొని ఓ పాటలో మహేష్ తో కలిసి డాన్స్ చేయనుందని సమాచారం. ఇక ఈ వరుడు' చిత్రంలో అనుష్క మెయిన్ హీరోయిన్ గా నటిస్తోంది. త్రివిక్రమ్ శ్రీనివాస్ దర్శకత్వంలో సింగనమల రమేష్ ఈ చిత్రాన్ని నిర్మిస్తున్నారు.

More from Filmibeat