2008లో ప్రిన్స్ ఖాళీ

By Staff

Published: Thursday, December 11, 2008, 15:46 [IST]

ప్రిన్స్ మహేష్ బాబు సినిమా లేకుండా 2008 సంవత్సరం గడిచిపోతోంది. గత 14 నెలలుగా ఆయన ముఖానికి రంగు వేసుకోలేదు. ఈ ఏడాది ఒక్క రోజు కూడా అతను షూటింగ్ లో పాల్గొనలేదు. మహేష్ బాబు దాదాపుగా టాలీవుడ్ లో అగ్రస్థానానికి చేరుకున్నాడు. అతిథి సినిమా తర్వాత మహేష్ మరో సినిమా చేయలేదు. ఆ సినిమా నిరుడు అక్టోబర్ 21వ తేదీన విడులైంది.

త్రివిక్రమ్ దర్శకుడిగా తలపెట్టిన మహేష్ సినిమా రోజు రోజుకూ ఆలస్యమవుతోంది. జూన్ లో సెట్స్ కు వెళ్లాల్సిన ఈ సినిమా ఇప్పటికీ మొదలు కాలేదు. ఈ సినిమా వచ్చేఏడాది జనవరిలో ప్రారంభమయ్యే అవకాశాలున్నట్లు తెలుస్తోంది. ఏడాది చివరకు గానీ అది పూర్తయ్యే అవకాశం లేదు. ప్రిన్స్ అభిమానులు ఏడాది పాటు వెయిట్ చేయాల్సిందేనన్న మాట.

More from Filmibeat