ఆ రీమేక్ లో మహేష్?

అప్పట్లో కృష్ణ ద్వి పాత్రల్లో నటించగా ఘనవిజయం సాధించిన సింహాసనం చిత్రం మహేష్ బాబుతో రీమేక్ చేసే అవకాశం ఉందని తెలుస్తోంది. ఆ మధ్య రాజమౌళి తన తాజా చిత్రం ధీరుడు కోసం సింహాసనం సెట్స్ వాడుకోవటానికి ఫర్మిషన్ అడిగితే కృష్ణ నిరాకరించి ఆ సినిమా రీమేక్ చేసే ఆలోచన వివరించాడని సమచారం. అప్పుడు అన్న మాట ఇప్పుడు కార్యరూపం దాల్చే అవకాశం ఉందని అంటున్నారు. ఇక సింహాసనం సినిమా రిలీజైన నాటినుండి ఇప్పటి వరకూ ఒక్క సారి కూడా ఆ సెట్స్ ని వేరే చిత్రాల షూటింగ్ కి అనుమతించలేదు. అలాగే పధ్మాలయాలో ఉన్న వాటికి పాడవకుండా అప్పుడప్పుడూ సంస్కరిస్తారని ఆ స్టాఫ్ చెప్తున్నారు.

ఇంతకాలం కృష్ణ తనకు ఘనవిజయం ఇచ్చిన చిత్రం గుర్తుగా ఆ సెట్స్ పై మక్కువ పెంచుకున్నారని అనుకున్నవారంతా ఈ ప్రపోజల్ విని ఆశ్చర్యపోతున్నారు. మరి సినిమా ఎప్పుడు ప్రారంబించుదామనుకుంటున్నారు...అంటే ఆయన నవ్వి ఊరుకున్నారుట. అయితే ఇప్పటికే రాజమౌళి తో ఈ ప్రాజెక్టు కోసం చర్చలు జరిపారని సమాచారం. అలాగే రామ్ చరణ్ చేస్తున్న సినిమా కూడా నాలుగు వందల సంవత్సరాల క్రిందట వాతావరణం క్రియేట్ చేసి సంచలనం సృష్టించే యోచనలో ఉంది. అది కనుక సక్సెస్ అయితే సింహాసనం ప్రారంభించే అవకాశం ఉంది.