కేక పుట్టిస్తున్న‘బిజినెస్‌మ్యాన్’రొమాంటిక్ పోస్టర్!

By Bojja Kumar

Published: Monday, December 19, 2011, 17:40 [IST]

దూకుడు భారీ విజయం సాధించడంతో....ఈ సినిమా తర్వాత వస్తున్న మహేష్ బాబు తాజా సినిమా 'బిజినెస్‌మ్యాన్'పై భారీ అంచానాలు నెలకొన్నాయి. పైగా ఇది రికార్డులు బద్దలు కొట్టిన'పోకిరి' కాంబినేషన్ కావడంతో అందరిలోనూ సినిమాపై ఆసక్తి ఎక్కువైంది. దర్శక నిర్మాతలు కూడా సినిమాకు సంబంధించి పోస్టర్లు వారానికొకటి విడుదల చేస్తూ సినిమాపై హైప్ పెంచుతున్నారు. ఇప్పటికే విడుదలైన పోస్టర్లలో సూపర్ స్టార్ మహేష్ అదిరిపోయేలా దర్శనం ఇచ్చాడు. తాజాగా విడుదలైన పోస్టర్లలో హీరోయిన్ కాజల్ తో రొమాన్స్ చేస్తున్నట్లు ఉంది. ఈపోస్టర్ అద్భుతంగా ఉందని, కేక అంటూ అభిమానులు ఆనందం వ్యక్తం చేస్తున్నారు. పోకిరి తరహాలో ఈ సినిమా తెలుగు సినిమా రికార్డులన్నీ బద్దలు కొట్టడం ఖాయం అంటున్నారు.

ముంబై మాఫియా నేపథ్యంలో సాగే బిజినెస్ మ్యాన్ షూటింగ్ ఎక్కువగా ముంబైలోనే జరిగింది. పాటలు బ్యాంకాక్ లాంటి అందమైన ప్రదేశాల్లో చిత్రీకరించారు. ఇప్పటికే సినిమా షూటింగ్ మొత్తం పూర్తయింది. పోస్టు ప్రొడక్షన్ వర్క్ సాగుతోంది. సినిమా ప్రచారం భారీ ఎత్తున చేస్తే...భారీ ఓపెనింగ్స్ ఖాయం అనే ప్లాన్ తో ఉన్న నిర్మాతలు...సంక్రాతి పండక్కి వీలైనన్ని ఎక్కువ థియేటర్లలో విడుదల చేసేందుకు సన్నాహాలు చేస్తున్నారు. డిసెంబర్ 22న సినిమా ఆడియో విడుదల కానుంది. పూరీ జగన్నాథ్ దర్శకత్వం వహిస్తున్న 'బిజినెస్ మ్యాన్' సినిమాను ఆర్ ఆర్ మూవీ మేకర్స్ వెంకట్ నిర్మిస్తున్నారు.

More from Filmibeat