పవన్‌పై మళ్లీ ఎటాక్.. రేణుదేశాయ్‌ను వివాదంలోకి లాగి మహేష్ కత్తి పోస్టింగ్!

నాస్తికత్వం పేరుతో దేవుళ్లపై

నాస్తికత్వం పేరుతో హిందూ దేవుళ్లను దూషించడం, అనుచిత వ్యాఖ్యలు చేయడం సరికాదు. ఓ ప్రణాళిక బద్దంగా హిందూ మతాన్ని డామేజ్ చేయడానికి కుట్ర జరుగుతున్నది. అలాంటి వారిని రెండు రాష్ట్రాల ముఖ్యమంత్రులు కఠిన చర్యలు తీసుకోవాలని మెగా బ్రదర్ నాగబాబు ఓ వీడియోను సోషల్ మీడియాలో పోస్టు చేయడం సంచలనం రేపింది.

ఇట్స్ హై టైమ్

నాగబాబు వీడియో పోస్టు నేపథ్యంలో మహేష్ కత్తి తీవ్రంగా స్పందించారు. రేణుదేశాయ్ పేరుతో ఉన్న ఓ ఇమేజ్‌ను పోస్టు చేయడం వివాదంగా మారింది. ఇట్స్ హై టైమ్ అంటూ కామెంట్ చేయడం గమనార్హం. నా జోలికి వస్తే మీ హీరో అంతు చూస్తా అని ఉండటం వివాదానికి కేంద్ర బిందువైంది.

రెండో పెళ్లిపై రేణు స్పందన

అయితే రేణుదేశాయ్ నిశ్చితార్థం జరిగింది. అయితే రెండో పెళ్లి చేసుకోవడంపై పవన్ ఫ్యాన్స్‌లోని కొందరు అభ్యంతరం తెలిపారు. ఈ నేపథ్యంలో కాస్త ఘాటుగానే రేణు స్పందించారు. కానీ మహేష్ కత్తి పోస్టు చేసిన ఇమేజ్ ఎక్కడిది? ఏదైనా పేపర్లో వచ్చిందా? అనే విషయాలపై క్లారిటీ లేదు.

నాగబాబుకు కౌంటర్‌గా కత్తి..

మెగా బ్రదర్ నాగబాబు చేసిన వ్యాఖ్యల నేపథ్యంలోనే మహేష్ కత్తి ఈ చర్యకు పాల్పడి ఉంటాడనే అభిప్రాయం వ్యక్తమవుతున్నది. ఈ నేపథ్యంలో పవన్ అభిమానులు మళ్లీ రెచ్చిపోతారా లేక సహనం పాటిస్తారా అనేది వేచి చూడాల్సిందే. ఒకవేళ పవన్ అభిమానులు స్పందిస్తే ఈ వివాదం మరింత రచ్చగా మారే అవకాశం ఉంది.

కత్తి మహేష్ వెనుకడుగు

ఇదిలా ఉండగా, రేణుదేశాయ్ ఇమేజ్‌ను పెట్టిన కత్తి మహేష్ వెంటనే తొలగించారు? సాధారణంగా కత్తి తన పోస్టులను డిలీట్ చేయడు. ఏం జరిగిందో ఏమో గానీ.. ఈ ట్వీట్‌ను కొద్దిసేపటికే తొలగించాడు. ఎవరైనా బెదిరిస్తే భయంతో తీశాడా? లేక ఒత్తిళ్లకు తలవొగ్గి డిలీట్ చేశాడా? అనే ప్రశ్నలకు సమాధానం లభించలేదు.