మహేష్ ఖలేజా...ఇంట్రడక్షన్ సాంగ్ డిటేల్స్

మహేష్ బాబు, త్రివిక్రమ్ కాంబినేషన్ లో రూపొందుతున్న ఖలేజా చిత్రం ఇంట్రడక్షన్ సాంగ్ చెన్నైలో చిత్రకరించటానికి అన్ని ఏర్పాట్లు జరుగుతున్నాయి. ఆగస్టు 14,15 తేదిల్లో ప్యాచ్ వర్క్ హైదరాబాద్ లో పూర్తి చేసుకుని ఈ టీమ్ చెన్నై బయిలుదేరుతుంది. అక్కడ ఆగస్టు 18 నుంచి షూటింగ్ జరుగుతుంది. ఇక ఖలేజా టైటిల్ నాదేనంటూ ఓ నిర్మాత కంప్లైంట్ చేయటంతో ఈ చిత్రానికి మహేష్ ఖలేజా అనే టైటిల్ ని కన్ఫర్మ్ చేసారు. అనూష్క హీరోయిన్ గా చేస్తున్న ఈ చిత్రంలో మహేష్ క్యాబ్ డ్రైవర్ గా కనిపించనున్నారు. ప్రకాష్ రాజ్ విలన్ గా కనిపించే ఈ చిత్రం ఎక్కువ భాగం రాజస్ధాన్ బ్యాక్ డ్రాప్ లో జరగుతుందని తెలుస్తోంది. ఈ ఇంట్రడక్షన్ సాంగ్ అనంతరం సెప్టెంబర్ మొదటి వారంలో అనూష్క కాంబినేషన్ లో డ్యూయిట్ కి ప్లాన్ చేసారు. వీటితో పాటు మరో ప్రక్క కంప్యూటర్ గ్రాఫిక్స్ వర్క్ హైదరాబాద్ లోనూ, డిఐ వర్క్ ముంబై ప్రైమ్ ఫోకస్ ల్యాబ్ లోనూ జరుగుతోంది.