For Quick Alerts
    ALLOW NOTIFICATIONS  
    For Daily Alerts

    మహేష్ బాబు వర్సెస్ రజనీకాంత్

    By Bojja Kumar
    |

    mahesh-rajinikanth
    హైదరాబాద్ : సౌతిండియా సూపర్ స్టార్ రజనీకాంత్, టాలీవుడ్ సూపర్ స్టార్ మహేష్ బాబు ఈ దీపావళికి బాక్సాఫీసు వద్ద ఢీ అంటే ఢీ అనబోతున్నారు. రజనీకాంత్ హీరోగా రూపొందుతున్న 'కొచ్చాడయాన్'(తెలుగులో విక్రమ్ సింహా) చిత్రంతో పాటు, మహేష్ బాబు హీరో రూపొందుతున్న 'సీతమ్మ వాకిట్లో సిరిమల్లె చెట్టు' చిత్రం డిసెంబర్లో విడుదలకు సిద్ధం అవుతున్నాయి. ఈ ఇద్దరు సూపర్ స్టార్లలో బాక్సాఫీసు వద్ద ఎవరిది పైచేయి అవుతుందనే ఆసక్తికర చర్చ ట్రేడ్ వర్గాల్లో మొదలైంది.

    'కొచ్చాడయాన్' చిత్రంలో రజనీకాంత్..రణధీరన్‌ అనే రాజు పాత్రలో కనిపించనున్నారు. పల్లవుల కాలంలో చోటు చేసుకొన్న కొన్ని సంఘటనల ఆధారంగా అల్లుకొన్న కథ. ఈ చిత్రానికి ప్రముఖ ఛాయాగ్రాహకుడు రాజీవ్‌ మీనన్‌ కెమెరా వర్క్ అందిస్తున్నారు. ఈచిత్రంలో రజనీకాంత్ లాంగ్ హెయిర్ తో శివున్ని పోలి ఉంటాడని, కత్తులతో పోరాటం చేసే యోధుడిగా కనిపించనున్నాడని తెలుస్తోంది. దీపికా పదుకొనే ఇందులో హీరోయిన్ గా నటిస్తున్న విషయం విదితమే. భారతదేశంలోనే తొలిసారిగా మోషన్ క్యాప్చర్ టెక్నాలజీతో తెరకెక్కుతోన్న చిత్రం ఇదే కావడం గమనార్హం. ఏఆర్ రెహమాన్ ప్రతిష్టాత్మకంగా తీసుకొని ఈ సినిమాకు సంగీతం అందిస్తున్నారు. రజనీ కూతురు సౌందర్య ఈచిత్రానికి దర్శకత్వం వహిస్తున్నారు.

    విక్టరీ వెంకటేష్-ప్రిన్స్ మహేష్ కాంబినేషన్లో తెరకెక్కుతున్న భారీ మల్టీస్టారర్ చిత్రం 'సీతమ్మ వాకిట్లో సిరిమల్లె చెట్టు'. ఫ్యామిలీ ఎంటర్ టైనర్‌గా రూపొందుతున్న ఈ సినిమాలో మహేష్ సరసన సమంత, వెంకటేష్ సరసన అంజలి నటిస్తున్నారు. వెంకీ-మహేష్ అన్నదమ్ముళ్లుగా నటిస్తున్న ఈ సినిమాపై ఇప్పటికే టాలీవుడ్ లో భారీ అంచనాలు ఏర్పడుతున్నాయి. అన్నదమ్ముల రిలేషన్ ఈ చిత్రంలో మెయిన్‌గా ఫోకస్ కానుంది. శ్రీకాంత్ అడ్డాల దర్శకత్వం వహిస్తున్న ఈచిత్రాన్ని దిల్ రాజు నిర్మిస్తున్నారు

    English summary
    If the latest reports are to be believed, Super Star Mahesh Babu’s multi-starrer film ‘Seethamma Vakitlo Sirimalle Chettu’ co-starring Venkatesh, Samantha and Anjali will be released in December. Interestingly, Kollywood Super Star Rajinikanth’s graphical extravaganza ‘Vikrama Simha’ is also to release in December. This film is directed by Soundarya R. Ashwin and written by K. S. Ravikumar.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X