మీరు మీ డబ్బు ఖర్చు పెట్టారు.. ఓకే: నెగిటివ్ ఫీడ్‌బ్యాక్‌పై ‘యాత్ర’ డైరెక్టర్

డబ్బు పెట్టి చూస్తున్న వారికి ఆ హక్కు ఉంది

ఎవరైతే డబ్బు ఖర్చు పెట్టి ‘యాత్ర' సినిమా చూస్తున్నారో... వారందరికీ ఈ చిత్రంపై తమ అభిప్రాయాలు వెల్లడించే హక్కు ఉంది. మా సినిమా చూసిన వారందరికీ ధన్యవాదములు అంటూ మహి వి రాఘవ్ ట్వీట్ చేశారు.

నెగిటివ్, పాజిటివ్ రెండూ స్వీకరిస్తాం

‘యాత్ర' సినిమాపై వస్తున్న పాజిటివ్, నెగిటివ్ ఫీడ్ బ్యాక్ వినమ్రంగా, నిజాయితీగా స్వీకరిస్తాం. ఒక సినిమాపై అందరికీ ఒకే రకమైన అభిప్రాయాలు ఉండవని నా భావన... అంటూ యాత్ర దర్శకుడు తనదైన శైలిలో హుందాగా స్పందించారు.

వాటి గురించి బాధపడొద్దు అంటూ... ఫ్యాన్స్ మద్దతు

మహి వి రాఘవ్ చేసిన ట్వీట్‌పై కొందరు అభిమానులు స్పందించారు. సినిమాకు వస్తున్న నెగిటివ్ ఫీడ్ బ్యాక్ గురించి బాధ పడొద్దు... నిజంగా మూవీ చాలా బావుంది అంటూ దర్శకుడికి తమ మద్దతు ప్రకటించారు.

మూవీ టాక్ ఎలా ఉందంటే...

డాక్ట‌ర్ వై.య‌స్‌. రాజ‌శేఖ‌ర్ రెడ్డి పాద‌యాత్ర‌లోని ముఖ్య ఘ‌ట్టాల‌తో నిర్మించిన చిత్రం 'యాత్ర‌'. మలయాళ సూప‌ర్‌స్టార్ మమ్ముట్టి వైఎస్ఆర్ పాత్రలో నటించారు. మ‌హి వి రాఘ‌వ్ దర్శకత్వం వహించగా విజయ్ చిల్లా, శశి దేవిరెడ్డి 70 ఎంఎం ఎంట‌ర్‌టైన్‌మెంట్స్ బేనర్లో నిర్మించారు. ఈ సినిమా ఎక్కువగా పాజిటివ్ టాక్ వినిపిస్తోంది. మమ్ముట్టి నటన సినిమాకు హైలెట్ అయిందని, ఈ చిత్రం తప్పకుండా బాక్సాఫీసు వద్ద వర్కౌట్ అవుతుందనే టాక్ వినిపిస్తోంది.