బాహుబలి-2 కంటే ముందే.... ‘హైపర్’ రికార్డు కొట్టేసింది (వర్చువల్ రియాల్టీ వీడియో)

టాలీవుడ్లో చరిత్రలో ఫస్ట్ టైం

ఇప్పటి వరకు టాలీవుడ్ పరిశ్రమకు సంబంధించి 360 డిగ్రీస్ వర్చువల్ రియాల్టీ వీడియోస్ ఏవీ రాలేదు. అయితే తెలుగు సినీ పరిశ్రమ చరిత్రలోనే తొలిసారి ‘హైపర్' మూవీకి సంబంధించి వర్చువల్ రియాల్టీ వీడియో రిలీజ్ చేసారు. సినిమాలోని ‘హైపరే' సాంగ్ మేకింగ్ వీడియోను 360 డిగ్రీస్ లో షూట్ చేసి రిలీజ్ చేసారు.

గర్వంగా ఉందన్న నిర్మాతలు

తెలుగు సినీ చరిత్రలోనే తొలిసారి.... మా హైపర్ మూవీ విషయంలో 360 డిగ్రీస్ వర్చువల్ రియాల్టీ మేకింగ్ వీడియో రిలీజ్ చేయడం గర్వంగా ఉందంటూ నిర్మాతలు ఓ ప్రకటన విడుదల చేసారు.

వారికే అంకితం

తెలుగు పరిశ్రమలో తొలిసారి విడుదలైన ఈ వీడియోను తెలుగు సినిమా పరిశ్రమలో హార్డ్ వర్క్ చేసే వారందరికీ, తెర వెనక ఉండి అద్భుతమైన సినిమాలు ప్రేక్షకులు అందిస్తున్న వారికి అంకితం ఇస్తున్నట్లు ప్రకటించారు.

బాహుబలి-2 కంటే ముందే

ఇటీవల ప్రెస్ మీట్లో రాజమౌళి మాట్లాడుతూ..... తెలుగు సినీ పరిశ్రమలోనే తొలిసారిగా బాహుబలి-2 మేకింగ్ వీడియోలను 360 డిగ్రీస్ వర్చువల్ రియాల్టీలో విడుదల చేయబోతున్నట్లు ప్రకటించారు. అయితే అంతకంటే ముందే హైపర్ మూవీకి సంబంధించి 360 డిగ్రీస్ వర్చువల్ రియాల్టీ వీడియో రావడం గమనార్హం.