Don't Miss!
- News ఎంపీ ఎన్నికల బరిలో బర్రెలక్క.. ఇంపాక్ట్ ఉంటుందా?
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
వామ్మో....విడాకుల సెటిల్మెంట్కు రూ. 15 కోట్లు అడిగింది, అయినా ఓకే
మలైకా విడాకుల సెటిల్మెంట్ కోసం రూ. 10-15 కోట్లు ఇవ్వాలని డిమాండ్ చేస్తున్నట్లు సమాచారం.
ముంబయి: బాలీవుడ్ నటుడు, నిర్మాత అర్బాజ్ ఖాన్, మలైకా అరోరా ఖాన్ తమ వైవాహిక జీవితానికి స్వస్తి పలుకుతూ విడాకుల కోసం కోర్టును ఆశ్రయించిన సంగతి తెలిసిందే. ఈ నేపథ్యంలో వీరిద్దరు కౌన్సిలింగ్కు కూడా హాజరయ్యారు. అయితే మలైకా విడాకుల సెటిల్మెంట్ కోసం రూ. 10-15 కోట్లు ఇవ్వాలని డిమాండ్ చేస్తున్నట్లు బాలీవుడ్ సమాచారం. అర్బాజ్ కూడా నగదు ఇవ్వడానికి అంగీకరించారట.
వీరిద్దరి కుమారుడు అర్హన్ ఖాన్ ప్రస్తుతం మలైకా దగ్గరే ఉన్నాడు. కుటుంబ సభ్యుల ఒత్తిడి వల్ల వీరిద్దరు మళ్లీ కలిసి జీవించాలనుకున్నారని, అయితే దీనికి అర్బాజ్ సమ్మతించినా, మలైకా ఒప్పుకోలేదని గతంలో పుకార్లు షికార్లు చేశాయి. ఈ విషయంపై అర్బాజ్ సోదరుడు సల్మాన్ ఖాన్ ఎలా స్పందిస్తారో.. అని బాలీవుడ్ వర్గాలు ఎదురుచూస్తున్నాయి.
పరస్పర అంగీకారంతోనే తాము విడిపోతున్నట్లు అర్బాజ్, మలైకా ఈ ఏడాది మొదట్లోనే ప్రకటించారు. తమ 17 ఏళ్ల వివాహ బంధం తర్వాత విడిపోవాలని నిర్ణయించుకున్నారు. పరస్పర అంగీకారంతోనే తాము విడిపోతున్నట్లు గతంలో ప్రకటించిన మలైకా దంపతులు విడాకుల కోసం న్యాయస్థానాన్ని ఆశ్రయించారు. .
మలైకా, అర్బాజ్లకు 1998లో వివాహం జరిగింది. వీరిద్దరికి కుమారుడు అర్హాన్ ఖాన్ ఉన్నాడు. భార్యాభర్తలుగా విడిపోయినా, తల్లిదండ్రులుగా కుమారుడి కోసం ఇద్దరూ కలిసి అండగా నిలుస్తున్నారు.
అందుకే పలు సందర్భాల్లో, కుటుంబ వేడుకల్లో కలిసి కన్పించారు. దీంతో ఇద్దరూ మళ్లీ కలిసి జీవించేందుకు ప్రయత్నిస్తున్నారన్న వార్తలు వచ్చాయి. కానీ వీరిద్దరూ విడివిడిగా భాగస్వాములను వెతుక్కున్నారని పుకార్లు వస్తున్నాయి. మలైకా అర్జున్ కపూర్తో సన్నిహితంగా ఉంటోందని, అర్బాజ్ గోవాకు చెందిన రెస్టారెంట్ ఓనర్ ఎల్లో మెహ్రాతో స్నేహం చేస్తున్నాడని బాలీవుడ్ లో వార్తలు వస్తున్నాయి.
అర్బాజ్కి దూరమైన తర్వాత మలైకా, అర్జున్ కపూర్తో సన్నిహితంగా వుంటోందనే వార్తలు ఎక్కువయ్యాయి. దీంతో ఇకనైనా స్పందించకపోతే కష్టం అనుకుందో లేక ఆ తర్వాత ఆలస్యంగా స్పందించినా ఫలితం వుండదు అనుకుందో ఏమో కానీ ఎట్టకేలకు ఈమధ్యే మలైకా అరోరా ఖాన్ ఈ విషయంపై స్పందించింది. అర్జున్ కపూర్ తనకి మంచి మిత్రుడు మాత్రమే. కానీ మామధ్య వున్న స్నేహబంధాన్ని అందరూ అపార్థం చేసుకుంటున్నారు అని వివరించిందామె.