Don't Miss!
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- News వల్లభనేని వంశీకి షాకిచ్చేలా యార్లగడ్డతో చంద్రబాబు వ్యూహం!!
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Finance Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
అసలేం జరుగుతోంది? రజనీకాంత్ ఇంటికి మలేషియా ప్రధాని!
మలేషియా ప్రధాన మంత్రి నజీబ్ రజాక్ స్వయంగా చెన్నైలోని రజనీకాంత్ ఇంటికి వెళ్లి కలవడం హాట్ టాపిక్ అయింది.
హైదరాబాద్: కొన్ని రోజులుగా సూపర్ స్టార్ రజనీకాంత్ విషయంలో పలు ఆసక్తికర వార్తలు వినిపించడమే కాదు...ఎవరూ ఊహించని పరిణామాలు చోటు చేసుకుంటున్నాయి. రజనీకాంత్ రాజకీయాల్లోకి వస్తున్నారని, ఇందులో భాగంగా ఏప్రిల్ 2వ తేదిన అభిమానులతో సమావేశం కావాలని నిర్ణయం తీసున్నట్లు వార్తలు వెలువడ్డాయి.
ప్రేక్షకులు, అభిమానులు ఇందుకు సంబంధించి చర్చలో మునిగితేలుతున్న తరుణంలో.... మలేషియా ప్రధాన మంత్రి నజీబ్ రజాక్ స్వయంగా చెన్నైలోని రజనీకాంత్ ఇంటికి వెళ్లి కలవడం హాట్ టాపిక్ అయింది.
అసలు ఏం జరుగుతోంది? అనే ఉత్కంఠ, ఆసక్తి అందరిలోనూ నెలకొంది. ఈ పరిణామాలపై స్వయంగా స్వయంగా రజనీకాంత్ మీడియాతో స్పందించారు.
మలేషియా ప్రధానితో సెల్ఫీ
మలేషియా ప్రధాని, రజనీకాంత్ సెల్ఫీ మూమెంట్.
మలేషియా ప్రధాని ఎందుకొచ్చారంటే
మలేషియా ప్రధాన మంత్రి నజీబ్ రజాక్ తో భేటీ తర్వాత రజనీకాంత్ మీడియాతో మాట్లాడారు. ఆయన వచ్చిన కారణాన్ని తెలిపారు. గతంలో తాను మలేషియాలో సినిమా షూటింగులో ఉన్నపుడు నజీబ్ రజానక్ ను కలవలేకపోయానని, ఇపుడు ఆయన ఇండియా పర్యటనలో ఉన్నారు కాబట్టి తనను మర్యాద పూర్వకంగా కలిసేందుకు వచ్చారని తెలిపారు.
మలేషియా బ్రాండ్ అంబాసిడర్ లాంటిదేమీ లేదు
మలేషియా ప్రధాని రజనీకాంత్ ను తమ దేశ బ్రాండ్ అంబాసిడర్ గా నియమించాలని నిర్ణయించారని, ఆ విషయం గురించి చర్చించేందుకే ఆయన రజనీకాంత్ ఇంటికి వచ్చారనే ప్రచారాన్ని రజనీకాంత్ ఖండించారు. ఇవన్నీ ఊహాగానాలే అని రజనీకాంత్ తేల్చి చెప్పారు.
అభిమాన సంఘాల మీటింగులో పాల్గొనను
ఏప్రిల్ 2న జరిగే అభిమాన సంఘాల భేటీలో తాను పాల్గొనడం లేదని రజనీకాంత్ తెలిపారు. ఇది రాజకీయ ఆరంగ్రేటం అనే కారణంతో ఏర్పాటు చేసిన సమావేశం కాదన్నారు. ఏప్రిల్ 11 నుండి 12 వరకు అభిమానులను కలుస్తానని రజనీకాంత్ తెలిపారు.
రోబో 2
తాను నటిస్తున్న రోబో 2 షూటింగ్ పూర్తయిందని, దీపావళికి ఈ సినిమా రిలీజ్ అవుతుందని రజనీకాంత్ తెలిపారు.