బాలీవుడ్ కలల్లో తేలియాడుతున్న మమతా మోహన్

ఆసిన్, జెనీలియా, శ్రియ, త్రిష...వీళ్ల బాటలోనే పయనించాలని మమతా మోహన్ దాస్ తహతహలాడుతోంది. ఇంతకీ హళ్ల బాట ఏమిటనేగా? దక్షిణాది చిత్రాల్లో స్టార్స్ గా గుర్తింపు సాధించి ఆపైన హింధీ చిత్రసీమకు వెళ్లారు. ఈ మధ్యే త్రిష కూడా అక్షయ్ కుమార్ తో నటించేందుకు అంగీకరించింది. తెలుగు ప్రేక్షకులకు కథానాయికగా, గాయనిగా చేరువైన మమత బాలీవుడ్ కలల్లో తేలియాడుతుంది. హిదీ చిత్రంలో నటించేందుకు రంగం సిద్దం చేసుకొంటోంది. ఓ ప్రముఖ హీరోతో నటించే అవకాశం దక్కించుకొందని ఆమె సన్నిహితులు చెబుతున్నారని చెన్నై సినివర్గాల కథనం. దీని కోసమే మమత ఇటీవల ప్రత్యేకంగా ఫోటో సెషన్ లో పాల్గొందని కూడా అంటున్నారు. ప్రత్యేకమైన డైట్ నియంత్రణ కూడా చేస్తున్నట్లు సమాచారం.