Click it and Unblock the Notifications
ఆ నటిని వేధించిన వ్యక్తిని హత్య చేసారు
చెన్నై మాంగాడుకు చెందిన జహీర్ ఖాన్(28) పందెంకోళ్లను పెంచుతూ జీవిస్తుంటాడు. గతంలో జహీర్ ఖాన్ తండయార్ పేటలోని రాజశేఖరన్ నగర్లో నివాసం ఉన్న సమయంలో సినిమా సహాయ నటి సోనాతో ప్రేమ సంబంధం ఏర్పడింది. అయితే సోనా వేరొకరిని పెళ్లాడిందనే కోపంతో వెంట పడి వేధించడం ప్రారంభించాడు.
ఈ విషయాన్ని సోనా తన చెల్లెలు మోనికకు చెప్పుకుంది. మోనిక జహీర్ ఖాన్ను కలిసి హెచ్చరించినా అతని తీరు మార్చుకోక పోవడంతో.....తన ప్రియుడు జయరామన్ను ఈ విషయం చెప్పింది. జహీర్ ఖాన్ తీరుపై ఆగ్రహంతో ఊగిపోయిన జయరామన్ అతన్ని పథకం ప్రకారం హత్య చేసాడు.
జయరామన్ తన స్నేహితులైన జయకుమార్, సురేష్ కుమార్, సెల్వకుమార్లతో కలిసి జహీర్ ఖాన్కు మధ్యం సేవించి మత్తులో ఉండగా అతన్ని హత్య చేసారు. పోలీసులు వీరిని అరెస్టు చేసి విచారణ జరుపుతున్నారు. ఈ హత్య వెనక ఇంకా ఎవరెవరి హస్తం ఉందనే విషయమై కూపీ లాగుతున్నారు.
Continue with Google