»   » 'మనం' విడుదల తేదీ ఖరారు చేసిన నాగార్జున

'మనం' విడుదల తేదీ ఖరారు చేసిన నాగార్జున

Posted By:
Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    హైదరాబాద్: 'నాన్న, నేను, చైతన్య కలిసి నటించిన 'మనం' సినిమాను ఉగాది రోజున విడుదల చేయబోతున్నాం' అన్నారు అక్కినేని నాగార్జున. ఆయన, తన కుమారుడు అఖిల్‌తో కలిసి తిరుమలవెంకటేశ్వరస్వామిని దర్శించుకున్నారు. అనంతరం మీడియాతో మాట్లాడుతూ ఈ విషయం వెల్లడించారు. 'అమ్మానాన్నలు ఇద్దరూ దేవుడి దగ్గరకు వెళ్లిపోయారు. వారిని చల్లగా చూడమని ప్రార్థించాను' అన్నారు. తిరుమల యాత్రపై అఖిల్‌ ట్విట్టర్‌లో చెబుతూ, 'కాలినడకన ఏడు కొండల పైకి చేరుకున్నా. అలసటే అనిపించలేదు. దర్శనం చాలా బాగా జరిగింది' అని రాసుకొచ్చారు.

    నాగార్జున మాట్లాడుతూ... నాన్న స్వామివారి దగ్గరకు వెళ్లడంతో అమ్మను, నాన్నను చల్లగా చూసుకోవాలని ప్రార్థించడానికి శ్రీవారి చెంతకు వచ్చామన్నారు. 'మనం' షూటింగ్ పూర్తయిందని, ఉగాది పర్వదినాన విడుదల చేయడానికి అన్ని ఏర్పాట్లు చేస్తున్నామన్నారు. ఇప్పటికే 'మనం' చిత్రం వీక్షించానని, అద్బుతంగా రూపొందించబడిందన్నారు. ఈ చిత్రంలో తమ ముగ్గురి మధ్య సరదా సన్నివేశాలు ఎక్కువగా ఉంటాయన్నారు. సినిమా వినోదం పండిస్తుందనీ, చక్కని మ్యూజిక్ కుడా ఉందనీ అన్నారు. ఇందులో నాన్న నటన చిరస్మరణీయంగా నిలుస్తుందన్నారు. సినిమాలో నటిస్తూనే పరమపదించడంతో ఆయన చిరకాల కోరిక నెరవేరిందన్నారు.

    అఖిల్ తెర ఆరంగేట్రం గురించి ప్రశ్నించగా అతనినే అడగాలని నాగార్జున చమత్కరిస్తూ అదే పనిలో ఉన్నామని చిరునవ్వుతో అన్నారు. మనం చిత్రం విడుదల చేసిన తరువాతనే అఖిల్‌తో తీసే సినీమాపై దృష్టి సారిస్తామని చెప్పారు. ఈ సందర్భంగా నాగార్జున, అఖిల్‌ను ప్రత్యక్షంగా వీక్షించడానికి అభిమానులు పెద్ద సంఖ్యలో ఆలయం ముందు గుమికూడారు. సినీ హీరోగా సమర్థుడని నిరూపించుకున్న తరువాతనే అఖిల్‌తో కలిసి నటించే విషయం వెల్లడిస్తానని నాగార్జున పేర్కొన్నారు.

    శ్రీమతి అన్నపూర్ణ సమర్పణలో అన్నపూర్ణ స్టూడియోస్ ప్రై.లి. పతాకంపై నాగార్జున ఈ చిత్రాన్ని నిర్మిస్తుండగా ఇష్క్ మూవీ ఫేం విక్రమ్ కుమార్ 'మనం' చిత్రానికి దర్శకత్వం వహిస్తున్నారు. మనం గురించి నిర్మాత నాగార్జున మాట్లాడుతూ..' నాన్న, నేను, చైతన్య కలిసి నటిస్తున్న ఈ చిత్రం నాకు కొత్త అనుభూతి కలిగిస్తోంది. మా బేనర్లో ఈ చిత్రం ఓ ప్రెస్టీజియర్ చిత్రం అవుతుంది' అన్నారు.

    దర్శకుడు విక్రమ్ కుమార్ మాట్లాడుతూ...'నాగేశ్వరరావు గారు, నాగార్జునగారు, నాగచైతన్య కలిసి నటించే చిత్రానికి దర్శకత్వం వహించే అవకాశం రావడం అదృష్టంగా భావిస్తున్నాను. పెద్దలు నాగేశ్వరరావుగారి ఆశీస్సులతో ఈచిత్రాన్ని చేస్తున్నాను. ఫస్ట్ లుక్ గెటప్స్ డిఫరెంటుగా ఉన్నట్లుగానే సినిమా కూడా చాలా డిఫరెంటుగా ఉంటుంది' అన్నారు. వందశాతం కామెడీతో మంచి లవ్ ఫీల్‌తో మంచి ఎమోషనల్‌తో 'మనం' చిత్రం అన్ని వర్గాల ప్రేక్షకులను అలరిస్తుంది. నాగేశ్వరరావుగారొక లెజెంట్. లెజెండ్ తో కలిసి పని చేయడం ఎప్పటికీ మర్చిపోలేని అనుభూతి అని చెప్పుకొచ్చారు దర్శకుడు.

    ఈచిత్రంలో సమంత, శ్రీయ హీరోయిన్లు. బ్రహ్మానందం, తనికెళ్ల భరణి, అలీ, ఎమ్మెస్ నారాయణ, జయప్రకాష్ రెడ్డి, పోసాని కృష్ణ మురళి, నాగినీడు, శరణ్య, కాశీవిశ్వనాథ్, రవిబాబు, వెన్నెల కిషోర్, మెల్కొటే ప్రధాన పాత్రలు పోషిస్తున్నారు. ఈచిత్రానికి మాటలు : హర్షవర్ధన్, పాటలు : చంద్రబోస్, వనమాలి, డాన్స్ : బృంద, ఫైట్స్ : విజయ్, కాస్ట్యూమ్స్: నళిని శ్రీరామ్, ఫోటోగ్రఫీ : పి.ఎస్.వినోద్, సంగీతం : అనూప్ రూబెన్స్, ఆర్ట్ :రాజీవన్, ఎడిటింగ్ : ప్రవీణ్ పూడి, ఎగ్జిక్యూటివ్ ప్రొడ్యూసర్: వై.సుప్రియ, నిర్మాత : నాగార్జున అక్కినేని, కథ-స్క్రీన్ ప్లే-దర్శకత్వం : విక్రమ్ కె.కుమార్.

    English summary
    This year's Ugadi festival is going to be very special for all the Akkineni fans. Manam is coming as an Ugadi gift. The first family multi-starrer in Tollywood, Manam is all set to hit the theatres worldwide on March 31st. The late Akkineni Nageswara Rao, Akkineni Nagarjuna, Naga Chaitanya, Shriya Saran and Samantha are playing lead roles in the film.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more