సంబరాలు: ముద్దులొలికే కూతురుతో మంచు లక్ష్మి!

హైదరాబాద్: న్యూఇయర్ సంబరాలను తన ముద్దులొలికే కూతురుతో జరుపుకుంది మంచు లక్ష్మి. ఈ నూతన సంవత్సరంలో అందరి కలలు సాకారం కావాలని ఆకాంక్షిస్తూ అందరికీ నూతన సంవత్సర శుభాకాంక్షలు తెలియజేసింది. మంచు లక్ష్మి కూతురు పేరు 'విద్యా నిర్వాణ మంచు ఆనంద్'.

సరోగసీ పద్దతి ద్వారా బిడ్డకు తల్లయింది. అంటే అద్దెగర్భం ద్వారా పిల్లలను కనడం అన్నమాట. మంచు లక్ష్మి, ఆమె భర్త ఆండీకి సహజ పద్దతిలో పిల్లలు పుట్ట లేదు. చాలా కాలం పిల్లల కోసం డాక్టర్ల చుట్టూ తిరిగారు. ఈ పరిణామ క్రమంలో చివరకు పిల్లలు వద్దనుకున్నారు. కానీ సరోగసీ ద్వారా పిల్లలు పుట్టే అవకాశం ఉండటంతో కుటుంబ సభ్యులతో చర్చించి ఆ పద్దతి ఫాలో అయ్యారు.

ఫేస్‌బుక్ ద్వారా ఎప్పటికప్పుడు లేటెస్ట్ అప్‌డేట్స్

మంచు లక్ష్మి సినిమాల విషయానికొస్తే...మంచు లక్ష్మి ప్రధాన పాత్రలో 'బుడుగు' చిత్రం తెరకెక్కుతున్న సంగతి తెలిసిందే. హైదారాబాద్ ఇన్నోవేటివ్ ప్రైవేట్ లిమిటెడ్ పతాకంపై మన్మోహన్ దర్శకత్వంలో భాస్కర్, సారికా శ్రీనివాస్‌లు ఈ సినిమా నిర్మిస్తున్నారు. క్రిస్ మస్ సందర్భంగా ఈ చిత్రం ట్రైలర్ విడుదల చేసారు.

తల్లితండ్రులు తమ పిల్లలపై ఆశలు ఏవో ఆశలు పెట్టుకుంటే సామర్య్థానికి మించిన ఒత్తిడికి లోనయి ఆ పిల్లలు ఎలా తయారు అవుతారు. అలాంటి పరిస్థితి ఎదురైన ఒక పిల్లాడు, అతని చుట్టూ జరిగిన కొన్ని సంఘటనలతో అతని కుటుంబం ఎలాంటి సమస్యలు ఎదుర్కొంది, ఆ సమస్యల నుండి వారు ఎలా బయట పడ్డారు అనేది ఈ చిత్రం ముఖ్య కథ.

ఒక యధార్థ సంఘటన ఆధారంగా ఒక పిల్లాడి చుట్టూ జరిగిన కథతో థ్రిల్లర్ గా ఈ సినిమా రూపొందించారు. రచయిత, దర్శకుడు మన్మోహన్ మాట్లాడుతూ...'ఇలాంటి కథ ఇంతకు ముందు రాలేదని చెప్పవచ్చు. నాకు తెలిసిన ఒక సంఘటన ఆధారంగా, పూర్తి స్థాయిలో రీసెర్చ్ చేసి, అనేక మంది సైకాలజిస్టులతో చర్చించి తయారు చేసుకున్న కథ అన్నారు. ఇద్దరు పిల్లలు, వారి తలితండ్రులు ఆ చిన్న కుటుంబం మధ్య పట్టుసడలని డ్రామా ఉంటుందని దర్శకుడు చెపుతున్నాడు. ఇందులో లక్ష్మీతో పాటు శ్రీధర్ రావు, ప్రేమ్ భాబు, మరికొన్ని ముఖ్య పాత్రల్లో బేబీ డాలి, సన, ఇందు, ఆనంద్, శైలజ, వాణి నటిస్తున్నారు.

త్వరలో షూటింగ్ పూర్తి చేసుకోబోతున్న ఈచిత్రానికి సంగీతం: సాయి కార్తీక్, ఎడిటింగ్: శ్యాం మేంగా, కళా దర్శకత్వం: ఏ.రాం, సినిమాటోగ్రఫీ: సురేష్ రగుతు అందిస్తున్నారు. ఈ చిత్రానికి ఎగ్జిక్యూటివ్ ప్రొడ్యూసర్ వంశీ పుల్లూరి, నిర్మాతల భాస్కర్ మరియు సారిక శ్రీనివాస్. రచన, దర్శకత్వం: మన్మోహన్.