twitter
    For Quick Alerts
    ALLOW NOTIFICATIONS  
    For Daily Alerts

    బన్నీకి దెయ్యం పట్టింది(వీడియో)

    By Srikanya
    |

    హైదరాబాద్ : ఇంకో హర్రర్ చిత్రం మన ముందుకు రావటానికి సిద్దమవుతోంది. లక్ష్మీ మంచు, శ్రీధర్‌రావు, మాస్టర్‌ ప్రేమ్‌, బేబీ డాలీ కీలక పాత్రల్లో నటించిన సినిమా ‘బుడుగు'. మన్మోహన్‌ దర్శకత్వం వహించారు. భాస్కర్‌, సారిక శ్రీనివాస్‌ నిర్మాతలు. సుధీర్‌ సమర్పిస్తున్నారు. బన్నీకు దెయ్యం పట్టిందంటూ వస్తున్న ఈ సినిమా ట్రైలర్‌ను ప్రసాద్‌ల్యాబ్‌లో ప్రదర్శించారు. ఆ ట్రైలర్ ని మీరూ చూడండి.

    నిర్మాత సారిక శ్రీనివాస్‌ మాట్లాడుతూ ‘‘కథ నచ్చి సినిమా చేశాం. ఛైల్డ్‌ బేస్డ్‌ సైకలాజికల్‌ థ్రిల్లర్‌ ఇది. లక్ష్మి కీలక పాత్ర పోషించారు. ఇంద్రజ గెస్ట్‌ అప్పియరెన్స్‌ చేశారు'' అని తెలిపారు. శ్రీధర్‌రావు మాట్లాడుతూ ‘‘సినిమా చేస్తున్నంత సేపు రియాలిటీగా జరిగినట్టు అనిపించింది. రీరికార్డింగ్‌, స్ర్కీన్‌ప్లే ప్లస్సవుతాయి'' అని అన్నారు. మంచి పాత్ర పోషించానని మాస్టర్‌ ప్రేమ్‌ తెలిపారు.

    Manchu Lakshmi's Bududgu trailer

    దర్శకుడు మాట్లాడుతూ ‘‘ సైకియాట్రిస్ట్‌ దగ్గర మాట్లాడుతున్నప్పుడు తెలిసిన విషయాల ఆధారంగా సినిమా తీశాం. ఇది వాస్తవ ఘటనల ఆధారంగా తెరకెక్కించిన సినిమా. లక్ష్మీ మంచు పాత్ర చాలా కీలకమైంది. ప్రేమ్‌బాబు చాలా బాగా చేశాడు. సాయికార్తిక్‌ మంచి సంగీతాన్నిచ్చారు'' అని అన్నారు.

    అలాగే...‘‘ఈ రోజుల్లో పిల్లలపై వివిధ కారణాలతో ఒత్తిడి పెరగడంతో, వారు అయోమయానికి గురికావాల్సి వస్తోంది. అటువంటి పరిస్థితుల్లో ఉన్న ఓ పిల్లాడికి కొన్ని విచిత్రమైన సంఘటనలు ఎదురైతే ఆ పిల్లాడు ఏం చేస్తాడు? అతని వల్ల తన కుటుంబం ఎలాంటి ఇబ్బందులను ఎదుర్కొంది. వాటి కారణాలను విశ్లేషిస్తూ ఉత్కంఠతో సాగే కథే ‘బుడుగు' అని దర్శకుడు చల్లా మన్మోహన్‌ తెలిపారు.

    లక్ష్మీ మంచు మాట్లాడుతూ ‘‘బుడుగు వండర్‌ఫుల్‌ సినిమా. ఈ సినిమా చేసినందుకు గర్వంగా ఫీలవుతున్నాను. స్ర్కిప్ట్‌ వినగానే నచ్చింది. డాలీకి, ప్రేమ్‌కి, కుక్కపిల్లకు దర్శకుడు ఇచ్చిన ట్రైనింగ్‌ సూపర్బ్‌. లాస్‌ ఏంజిల్స్‌లో ఎలా షూటింగ్‌కి ప్రిపేర్‌ అవుతామో అలా ప్రిపేర్‌ అయ్యారు మన్‌మోహన్‌గారు. సురేష్‌ రఘుతుతో ఇది నా రెండో సినిమా. చిత్రాన్ని జనవరి మూడో వారంలో విడుదల చేయడానికి సన్నాహాలు చేస్తున్నాం'' అని అన్నారు.

    సన, ఇందు ఆనంద్‌, శైలజ వాణి, అల్తాఫ్‌, ఇంద్రజ ఇతర పాత్రధారులు. ఈ సినిమాకు సమర్పణ: సుధీర్‌, ఎగ్జిక్యూటివ్‌ నిర్మాత: వంశీ పులూరి, సంగీతం: సాయికార్తిక్‌, కెమెరా: సురేష్‌ రఘుతు, ఎడిటింగ్‌: శ్యామ్‌, ఆర్ట్‌: ఎ.రామ్‌, లిరిక్స్‌: బాలాజీ.

    English summary
    Lakshmi Manchu played an important role in ‘Budugu’ psychological thriller and the movie finsihed post production works and ready to hit the screens.M
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X