ఏం చేయబోతున్నానో 15 రోజుల్లో చెబుతా: మంచు మనోజ్

ఏం చేయబోతున్నానో 15 రోజుల్లో

ఈ మూడు నెలల సమయంలో నేను మా ఊర్లో ఉంటూ ఇక్కడి నుంచి ఒక అద్భుతమైన ప్లాన్‌తో నేనూ నా ఫ్రెండ్స్ ముందుకు వెళ్లాలని నిర్ణయించుకున్నాం. అదేమిటో చెప్పే సందర్భంగా ఇది కాదు. 15 రోజుల్లో పెద్దవాళ్లతో కూర్చుని ఏం చేయబోతున్నాను అనేది క్లియర్ గా వివరిస్తాను అన్నారు.

రాజకీయాలతో సంబంధం లేదు

దీనికంటే ముందు మరో ముఖ్య విషయం. రాజకీయాలకు నాకు ఏ మాత్రం సంబంధం లేదు. అటు పక్కకు కూడా రావడం లేదు. దయచేసి ఈ విషయమై ఎలాంటి ప్రచారం చేయొద్దు.... అని ఈ సందర్బంగా మంచు మనోజ్ స్పష్టం చేశారు.

హెల్ప్ చేద్దామనే వచ్చాను

సంతోషంగా పది మందికి ఉపయోగపడేలా హెల్ప్ చేసుకుంటూ ఒకరికొకరు సహాయం చేసుకుందామని వచ్చానే తప్ప మరో ఉద్దేశ్యం కాదు. ఎవరి పనులు వారు చేసుకుందామని మనోజ్ వ్యాఖ్యానించారు.

రాగి సంకటి, మటన్ పులుసు రెడీగా పెట్టండి అంటూ మనోజ్ లేఖ

నా జీవితాన్ని ఈ నేల యువతకు అంకితం చేస్తున్నాను. రాయలసీమ వస్తున్నాను రాగి సంకటి, మటన్ పులసు రెడీగా పెట్టండి అంటూ మనోజ్ అంతకు ముందు తన ట్విట్టర్లో తెలిపారు. తిరుపతి నుంచి మొదలయ్యే సేవా కార్యక్రమాలు ఈ ప్రపంచమంతా చేరువ అయ్యేలా తపిస్తాను. ముందుగా ఇక్కడి యువతకి సహాయపడేలా ఏదైనా చేస్తాను అని మనోజ్ తెలిపారు.