twitter
    For Quick Alerts
    ALLOW NOTIFICATIONS  
    For Daily Alerts

    విష్ణు కవల పిల్లలతో ‘దేనికైనా రెడీ’ లోగో ఆవిష్కరణ

    By Bojja Kumar
    |

    విష్ణు, హన్సిక జంటగా 24 ఫ్రేమ్స్ ఫాక్టరీ పతాకంపై నిర్మిస్తున్న చిత్రం 'దేనికైనా రెడీ'. జి.నాగేశ్వర్ రెడ్డి దర్శకత్వంలో ఎం.మోహన్‌బాబు ఈ చిత్రాన్ని నిర్మిస్తున్నారు. ఈ చిత్రం టైటిల్ లోగో ఆవిష్కరణ 'ఊ కొడతారా.. ఉలిక్కిపడతారా' గంధర్వ మహల్ సెట్‌లో జరిగింది.

    విష్ణు కుమార్తెలు ఆరియానా, వివియానా టైటిల్ లోగోను ఆవిష్కరించారు. సినిమా ట్రైలర్‌ను మోహన్‌బాబు విడుదల చేశారు. ఈ సందర్భంగా ఆయన మాట్లాడుతూ సినిమా అంతా కామెడీ నేపథ్యంలో సాగుతుందని, ప్రతి పాత్రా సినిమాలో చక్కగా డిజైన్ చేయడం జరిగిందని, కామెడీ అంటే ఇలానే ఉండాలి అనే విధంగా దర్శకుడు చిత్రీకరించారని, చిత్రంలోని పాటలను ఈ నెల 28న విడుదల చేయనున్నామని తెలిపారు.

    ఇప్పటికే షూటింగ్ పూర్తి చేసుకున్న ఈచిత్రం ప్రస్తుతం పోస్టు ప్రొడక్షన్ పనులు జరుపుకుంటోంది. హన్సిక హీరోయిన్ గా చేస్తున్న ఈ చిత్రాన్ని మొదట అక్టోబర్ 8న విడుదల చేయాలని ప్లాన్ చేసారు. మంచి టైమింగ్‌తో కామెడీని పండించగలనని 'ఢీ' సినిమాతో నిరూపించారు విష్ణు. అలాగే కామెడీ సినిమాలను తెరకెక్కించడంలో జి.నాగేశ్వరరెడ్డిది అందెవేసినచెయ్యి...వీరిద్దరి కాంబినేషన్ లో సినిమా అంటే ఏ రేంజిలో ఎంటర్టన్ చేస్తుందో ఊహించుకోమంటున్నారు నిర్మాతలు.

    సంగీతం హైలెట్‌గా నిలిచే ఈ చిత్రం దాదాపు పూర్తికావచ్చిందని త్వరలో విడుదల తేదీ ప్రకటిస్తామని దర్శకుడు జి.నాగేశ్వర్‌రెడ్డి తెలిపారు. ఈ కార్యక్రమంలో మనోజ్, మరుధూరి రాజా, ఏవిఎస్ తదితరులు పాల్గొన్నారు. ఈ చిత్రానికి సంగీతం: యువన్ శంకర్‌రాజా, నిర్మాణం: 24 ఫ్రేమ్స్ ఫాక్టరి, స్క్రీన్‌ప్లే, దర్శకత్వం: జి.నాగేశ్వర్ రెడ్డి.

    English summary
    Manchu Vinshu's new movie Denikaina Ready logo launch was held on Saturday in Hyderabad. The actor's daughters Ariyana and Viviana have unveiled the logo in the presence of the film's cast and entire crew.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X