Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
నా ఆస్తులన్నీ అమ్మేసి మీ పార్టీకి ఇస్తా: మంచు విష్ణు ఛాలెంజ్
శ్రీవిద్యా నికేతన్ విద్యా సంస్థలకు రావాల్సిన ఫీజు రీమెంబర్స్మెంట్ వివాదం మోహన్ బాబు ర్యాలీ తర్వాత మరింత ముదిరింది. చంద్రబాబు ప్రభుత్వాన్ని రాజకీయంగా దెబ్బతీసేందుకే ఎన్నికల వేళ మోహన్ బాబు ఈ ర్యాలీ తీశారని టీడీపీ శ్రేణులు ఆరోపిస్తున్న నేపథ్యంలో... సినీ నటులు మంచు విష్ణు, మంచు మనోజ్ తీవ్రంగా రియాక్ట్ అయ్యారు.
ఈ ర్యాలీ వెనక, నిరసన వ్యక్తం చేయడం వెనక ఎలాంటి రాజకీయ దురుద్దేశం లేదని, విద్యార్థులకు రావాల్సిన బకాయిలు ప్రభుత్వం నుంచి రాబట్టాలనే సదుద్దేశ్యం మాత్రమే ఉందని వారు స్పష్టం చేశారు. ఇప్పటికే ప్రభుత్వానికి చాలా లెటర్లు రాశామని, ఐఏఎస్ అధికారులను ఈ విషయమై కలిశామని, అయినప్పటికీ ఎలాంటి స్పందన లేదని తెలిపారు. మోహన్ బాబు తమ విద్యా సంస్థలకు రావాల్సిన బకాయిలపై తప్పుడు లెక్కలు చూపిస్తున్నారనే ఆరోపణలపై మంచు విష్ణు సీరియస్ అయ్యారు.
నా ఆస్తులు అమ్మేసి ఇస్తానంటూ మంచు విష్ణు ఛాలెంజ్
విద్యార్థులకు ఆంధ్రప్రదేశ్ ప్రభుత్వం నుంచి రావాల్సిన ఫీజు రీఎంబర్స్మెంట్ బకాయిల గురించి ఐఏఎస్ ఆఫీసర్ రావత్ గారికి చాలా లెటర్స్ రాయడం జరిగింది. మేము ఇచ్చిన లెటర్లో మాకు రావాల్సిన దానికంటే ఒక రూపాయి ఎక్కువ ఉన్నా... నా ఆస్తులన్నీ అమ్మేసి మీ పార్టీ ఫండ్గా ఇస్తా ఆ ఛాలెంజుకు మీరు రెడీనా? అంటూ మంచు విష్ణు సవాల్ చేశారు.
మీ డబ్బుతో కాదు... మా నాన్న సంపాదించిన డబ్బుతో
మా నాన్నగారు 25శాతం ఫ్రీ ఎడ్యుకేషన్ కుల మతాలకు అతీతంగా అందిస్తున్నారు. ఈ 25 శాతం ప్రభుత్వం మీరిచ్చే డబ్బులతో కాదు.. మా నాన్న గారు నటుడిగా సంపాదించిన డబ్బులతో అనే నిజాన్ని మాపై ఆరోపణలు చేస్తున్నవారు గుర్తుంచుకోవాలని మంచు విష్ణు తెలిపారు.
మా నాన్న కష్టపడి సంపాదించిన డబ్బు: తిరుపతి ర్యాలీపై మంచు మనోజ్ ఓపెన్ ఛాలెంజ్
మోహన్ బాబుకు అండగా కుటుంబం
తెలుగు దేశం పార్టీకి వ్యతిరేకంగా మోహన్ బాబు ఇదంతా చేస్తున్నారనే ఆరోపణలను ఆయన కుటుంబం ముక్తకంఠంతో ఖండిస్తోంది. మంచు విష్ణుతో పాటు మంచు మనోజ్ ఈ విషయమై సోషల్ మీడియాలో వరుస ట్వీట్స్ చేస్తున్నారు. తమకు రావాల్సిన బకాయిలకు సంబంధించిన డాక్యుమెంట్లను ట్విట్టర్లో పోస్ట్ చేస్తున్నారు.
మంచు విష్ణు
మంచు విష్ణు సినిమాల విషయానికొస్తే... ప్రస్తుతం ‘ఓటర్' అనే చిత్రంలో నటిస్తున్నారు. ఈ చిత్రాన్ని ఎన్నికల తర్వాత ఏప్రిల్ మాసంలో విడుదల చేసేందుకు ప్లాన్ చేస్తున్నారు.