Manchu Vishnu: ఐలవ్యూ ప్రకాష్ రాజ్ గారు.. అంటూ వాట్సాప్ చాట్ స్క్రీన్ షాట్ షేర్ చేసిన విష్ణు!

ఆత్మగౌరవంతో

అక్టోబర్ 10వ తేదీన జరిగిన మూవీ ఆర్టిస్ట్ అసోసియేషన్ ఎన్నికలలో ప్రకాష్ రాజ్ అలాగే మంచు విష్ణు పోటీపడగా మంచు విష్ణు అధ్యక్షుడిగా ఎన్నికయ్యారు. అయితే ఇక్కడ ఎక్కువగా ప్రాంతీయ వేదమే కనిపించిందని తనను అతిథిగా మాత్రమే ఉండమని కొంత మంది మాట్లాడారు కాబట్టి వారి మాటలకు ఏకీభవిస్తూ ఇకమీదట అతిథిగా మాత్రమే ఉండబోతుందని ప్రకాష్ రాజు ప్రకటించారు. తాను ఓడిపోయానని ఈ నిర్ణయం తీసుకోవడం లేదని ఆత్మగౌరవంతో మాత్రమే ఈ నిర్ణయం తీసుకుంటున్నాను అని చెప్పుకొచ్చారు.

మంచు విష్ణు స్పందన

21 ఏళ్ల క్రితం తాను మూవీ ఆర్టిస్ట్ అసోసియేషన్ సభ్యత్వం తీసుకున్నారని ఈ రోజు నుంచి తాను సభ్యుడిని కాదని రాజీనామా చేస్తున్నానని ఆయన ప్రెస్ మీట్ పెట్టి ప్రకటించారు.. ఇక ఇదే విషయం మీద నాగబాబు కూడా ఫలితాలు ప్రకటన వెలువడిన వెంటనే తాను మూవీ ఆర్టిస్ట్ అసోసియేషన్ సభ్యత్వానికి రాజీనామా చేస్తున్నట్లు ప్రకటించారు. ఇక తాజాగా ప్రకాష్ రాజ్ మూవీ ఆర్టిస్ట్ అసోసియేషన్ సభ్యత్వానికి రాజీనామా చేసిన విషయం మీద మంచు విష్ణు స్పందించారు.

మీ నిర్ణయాన్ని వెనక్కి తీసుకోండి

అయితే ప్రకాష్ రాజ్ తాను మూవీ ఆర్టిస్ట్ అసోసియేషన్ సభ్యత్వానికి రాజీనామా చేస్తున్నట్లు మీడియా ముఖంగా ప్రకటించడమే కాక ఇదే విషయాన్ని నూతనంగా మా అధ్యక్షుడిగా ఎన్నికైన మంచు విష్ణు దృష్టికి వాట్సాప్ మెసేజ్ ద్వారా తీసుకువెళ్లారు. ఆ మెసేజ్ స్క్రీన్ షాట్ ను విష్ణు ఇప్పుడు తన సోషల్ మీడియా వేదికగా పంచుకున్నారు. భవిష్యత్తు కోసం. మేమంతా ఒక్కటే. ఎల్లప్పుడూ....అంటూ స్క్రీన్ షాట్ ను పోస్ట్ చేసిన మంచు విష్ణు సక్సెస్ లు ఫెయిల్యూర్ లు సహజమని, మీ నిర్ణయాన్ని వెనక్కి తీసుకోండని కోరారు. మీరు 'మా' కుటుంబంలో మెంబర్ అని, మీ సలహాలు సూచనలు 'మా'కు అవసరం అని అన్నారు.

నాన్ మెంబర్గా మీకు సపోర్ట్ చేస్తా

స్క్రీన్ షాట్ లో ఉన్న దాని ప్రకారం ముందుగా ప్రకాష్ రాజ్ మంచు విష్ణు విజయానికి శుభాకాంక్షలు తెలుపుతూ మూవీ ఆర్టిస్ట్ అసోసియేషన్ అభివృద్ధికి తోడ్పడాలని కోరారు. అయితే తాను మూవీ ఆర్టిస్ట్ అసోసియేషన్ మెంబర్షిప్ కి రాజీనామా చేయాలని భావిస్తున్నానని అని నా నిర్ణయాన్ని దయచేసి ఒప్పుకోవాలని కోరారు. నాన్ మెంబర్గా ఎల్లప్పుడూ మీకు సపోర్ట్ చేస్తానని ప్రకాష్ రాజ్ పేర్కొన్నారు.

మీతో కలిసి పని చేయడం చాలా అవసరం

దానికి మంచు విష్ణు స్పందిస్తూ మీ నిర్ణయం తో నేను ఏకీభవించడం లేదు, మీరు నాకన్నా చాలా పెద్ద వాళ్ళని నాకు మీ ఐడియాలు మీతో కలిసి పని చేయడం చాలా అవసరం అని చెప్పుకొచ్చారు. మీరు ఎమోషనల్ గా ఉన్నారు కాబట్టి నేను పెట్టిన మెసేజ్ కి మీరు ఇప్పుడే రిప్లై ఇవ్వవద్దని కోరారు. ఇక నేను త్వరలోనే మిమ్మల్ని కలిసి డిస్కస్ చేస్తానని చెబుతూ ఐ లవ్యూ అంకుల్ అని మెసేజ్ లో పేర్కొన్నారు.