'మంగమ్మగారి మనువడు' కి సీక్వెల్?

By Staff

Published: Wednesday, March 25, 2026, 0:30 [IST]

బాలకృష్ణకూ,బార్గవ ఆర్ట్స్ కీ ఉన్న బంధం తెలియంది కాదు. వీరి కాంబినేషన్ లోనే అనేక చిత్రాలు హిట్టు అయి చరిత్రలో నిలిచిపోయాయి. అయితే అప్పట్లో బాలయ్య హీరోగా ప్రారంభించిన జానపద చిత్రం ఆగిపోయింది. డైరక్టర్, హీరో గొడవల్లో నిర్మాత నలిగిపోయాడని అంతా అన్నారు. అయితే మొన్న గోపాలరెడ్డి గారు మరణించాక ఆయన కుమారులతో మీ కుటుంబాన్ని ఆదుకుంటానని హామీ ఇచ్చారు.ఆ మాట ప్రకారం గోపాలరెడ్డి తయయుడు భార్గవ రెడ్డిన నిర్మాతగా చేస్తూ అదే భార్గవ ఆర్ట్స్ బ్యానర్ లో ఓ చిత్రాన్ని నిర్మించాలని బాలయ్య సన్నాహాలు చేస్తున్నట్లు తెలుస్తోంది.

తన తొలినాళ్ళలో వచ్చిన 'మంగమ్మ గారి మనువడు' చిత్రాన్ని సీక్వెల్ చేయాలని యోచిస్తున్నారని ఫిల్మ్ నగర్ లో వినపడుతున్నాయి. ఇక ఇందులో కళ్యాణ్ రామ్ హీరోగా నటించే అవకాశాలు ఉన్నాయి.అలాగే బాలకృష్ణ,సుహాసిని గెస్ట్ లుగా కనిపించాలని ఆలోచనలు చేస్తున్నారు. అయితే దర్శకుడుగా ఎవరిని తీసుకోవాలనేది నిర్ణయం కాలేదు. గ్రామీణ సబ్జెక్టులను సమర్ధవంతంగా తెరకెక్కించేది ఎవరన్నది వేట జరుపుతున్నారని తెలుస్తోంది. మొత్తానికి బాలయ్య మంచి నిర్ణయమే తీసుకున్నారని అంతా అంటున్నారు. అన్నీ సక్రమంగా జరిగితే త్వరలోనే ఈ విషయమై అధికారిక ప్రకటన వెలువడే అవకాశముందంటున్నారు. ఇక పరుచారి వారే ఈ చిత్రానికి స్క్రిప్టు పనులు చేస్తున్నారని చెప్తున్నారు. బెస్టాఆఫ్ లక్ భార్గవ రెడ్డి.

More from Filmibeat