మహేశ్ బాబు - విక్రమ్ కాంబినేషన్ లో చిత్రం..డిటేల్స్

సూపర్ స్టార్ మహేశ్ బాబు, జాతీయ ఉత్తమనటుడు విక్రమ్ ల కాంబినేషన్ లో త్వరలో ఓ చిత్రం ప్రారంభం కానుందని సమాచారం. ఈ చిత్రాన్ని మణిరత్నం దర్శకత్వంలో సన్ పిక్చర్స్ వారు నిర్మించనున్నారు. రజినీకాంత్ రోబో చిత్రం బడ్జెట్ రూ. 160 కోట్లకు మించిన బడ్జెట్ తో ఈ చిత్రాన్ని తెరకెక్కించనున్నట్లు తమిళ ఫిల్మ్ సర్కిల్స్ లో వినపడుతోంది. ఇక ఈ చిత్రం కధ...దాదాపు 150 ఏళ్ల క్రితం రాజరాజ చోళుని పాలనా, అప్పటి పరిస్థితులను ఆధారంగా చేసుకుని రూపొందిందని చెప్తున్నారు. రావణ్ తో అంతటా విమర్శలు పొందిన మణిరత్నం ఈ చిత్రాన్ని చాలా ప్రతిష్టాత్మకంగా రూపొందించనున్నారన్న వార్తలు వినిపిస్తున్నాయి.

చారిత్రాత్మక కథ నేపధ్యాన్ని తీసుకున్నప్పటికీ కథలో చిన్నచిన్న మార్పులు చేసి ప్రస్తుత సాంకేతి పరిజ్ఞానాన్ని వినియోగించి చిత్రాన్ని భారీగా నిర్మించాలని సన్ పిక్చర్స్ అధినేతి కళానిధి మారన్ భావిస్తున్నారు. రోబో రేంజి దాటి ఈ చిత్రం సంచలనం సృష్టించే విధంగా ప్లాన్ చేస్తున్నట్లు సమాచారం. ప్రస్తుతం మహేష్ బాబు...శ్రీనువైట్ల దర్శకత్వంలో దూకుడు చిత్రం చేస్తున్నారు. ఇదేకాక మెహర్ రమేష్ దర్శకత్వంలో నటించడానికి అంగీకారాన్ని తెలిపాడు. ఇటీవల తమిళ దర్శకుడు లింగుస్వామి చెప్పిన సబ్జెక్టు నచ్చడంతో ఓకే చేసాడు.