మనిషా కొయిరాలాకు అక్కడేం పని?

ఒకప్పటి బాలీవుడ్ స్టార్ హీరోయిన్ మనీషా కొయిరాలా ఇటీవల తప్ప తాగి ముంబైలో మీడియా కంట పడి వార్తల్లో వ్యక్తిగా నిలిచిన విషయం తెలిసిందే. తాజా ఈ భామ బెంగుళూరు శివార్లలోని ఓ ఫాం హౌజ్ లో కనిపించడం సర్వత్రా చర్చనీయాంశం అయింది. అయితే విషయం ఆరా తీయగా సినిమా షూటింగులో భాగంగానే ఆమె అక్కడికి వచ్చినట్లు తెలిసింది. 41 సంవత్సరాల ఈ భామ ప్రస్తుతం మలయాళంలో 'ఎడవపతి' అనే చిత్రంలో నటిస్తోంది. లెనిన్ రాజేంద్రన్ ఈ చిత్రానికి దర్శకత్వం వహిస్తున్నారు.

ఈ సందర్భంగా ఆమె మీడియాతో మాట్లాడుతూ...తనకు కన్నడలో అవకాశాలు వస్తున్నాయని, త్వరలోనే అందుకు సంబంధించిన పూర్తి వివరాలు వెల్లడిస్తానని చెప్పారు. ప్రస్తుతం సినిమా అవకాశాలు పెద్దగా లేని ఈ నేపాలీ భామ ఏ చిన్న అవకాశం వచ్చినా చేయడానికి సిద్ధంగా ఉంది.

నేపాలీ వ్యాపార వేత్తను పెళ్లాడిన మనీషా కొన్ని రోజులకే అతనికి దూరం అయిన విషయం తెలిసిందే. ప్రస్తుతం ఒంటరిగా జీవనం గడుపుతున్న మనీషా మద్యానికి బానిసైందని బాలీవుడ్లో చర్చించుకుంటున్నారు.