ఊ అంటావా..ఉలిక్కిపడతావా?

By Staff

Published: Friday, May 15, 2009, 17:18 [IST]

మంచు మనోజ్ తాజాగా కృష్ణవంశి శిష్యుడు రాజ దర్శకత్వంలో చేయనున్నహర్రర్ కామిడీ చిత్రానికి ఊ అంటావా..ఉలిక్కిపడతావా అనే టైటిల్ పెట్టారు. అలాగే మనోజ్ హీరోగా వీరూపోట్ల(వర్ష, నువ్వొస్తానంటే నే వద్దంటానా రచయిత) దర్శకత్వంలో రూపొందే చిత్రానికి అజయ్ గాడి విజయ గాధ అనే టైటిల్ పెట్టారు. ఇది ఓ రొమాంటిక్ కామిడి..అది జూన్ ఐదున ప్రారంభం అవుతుంది. అనీల్ సుంకర ఈ చిత్రాన్ని నిర్మిస్తున్నారు. ఇక కె.రాఘవేంద్రరావు దర్శకత్వంలో తయారయ్యే చిత్రానికి ఇంకా పేరు పెట్టలేదు. అయితే ఈ చిత్రం మ్యూజికల్ ఎంటర్టైనర్ అని తెలుస్తోంది. అందుకు తగ్గట్లుగా ఆ చిత్రంలో 12 పాటలు దాకా ఉంటాయని సమాచారం.

మోహన్ బాబు రెండో కుమారుడు మంచు మనోజ్ నేను మీకు తెలుసా చిత్రానికి ముందు చాలా గ్యాప్ తీసుకున్నారు. ఆ తర్వాత కూడా గ్యాప్ వచ్చింది. దాన్ని కవర్ చేయటానికా అన్నట్లు వరస ప్రాజెక్టులు కమిట్ అయ్యారు. వాటిల్లో యేలేటి దర్శకత్వంలో రెడీ అయిన ప్రయాణం రిలీజవుతుంది. ఆ తర్వాత జూన్ ఏడున ఓ మల్టి స్టారర్ చిత్రం వేదం ప్రారంభం కానుంది. గమ్యం దర్శకుడు క్రిష్ ఈ చిత్రాన్ని డైరక్ట్ చేస్తున్నారు. ఈ చిత్రంలో అల్లు అర్జున్, కజల్ నటిస్తారు. ఆ తర్వాత కె.రాఘవేంద్రరావు దర్శకత్వంలో ఓ మ్యూజికల్ చిత్రం ప్రారంభం కానుంది. ఇది ఆగస్టులో మొదలవుతుంది. ఇందులో పది పాటలు ఉంటాయి. దీనిని మంచు లక్ష్మి ప్రసన్న(సోదరి) నిర్మించనుంది. వీటి తర్వాత ఓ తమిళ చిత్రం లో నటిస్తాడు. అది ఓ తెలుగు సినిమా రీమేక్. వీటి తర్వాత కృష్ణవంశి దర్శకత్వంలో సినిమా ఉంటుంది. వీటన్నిటి తర్వాత మళ్ళీ ఏలేటి చంద్రశేఖర్ దర్శకత్వంలో మరో చిత్రం ఉంటుంది. ఇవి అన్నీ మనోజ్ స్వయంగా ప్రకటించారు.

More from Filmibeat