నిర్మాత ఆత్మహత్య : ప్లాప్ సినిమా, భార్య వేధింపులే కారణమా?

సినిమా నిర్మాణంలో నష్టాలు

అతుల్ తాప్కిర్ మరాఠీలో ‘డోల్‌ తాశే ' అనే సినిమాను నిర్మించాడు. అయితే ఈ సినిమా తనకు మంచి గుర్తింపు తెచ్చినప్పటికీ ఆర్థికంగా తీవ్రంగా నష్టపోవాల్సి వచ్చిందని సదరు నిర్మాత తన ఫేస్ బుక్ పోస్టులో పేర్కొన్నట్లు పోలీసులు తెలిపారు.

నాకు అండగా నిలిచారు

సినిమా వల్ల నష్టపోయి చాలా క్లిష్టమైన పరిస్థితుల్లో ఉన్న తనకు తన తండ్రి, సోదరి చాలా సోపోర్టుగా నిలిచారని అతుల్ తాప్కిర్ ఆత్మహత్యకు ముందు ఫేస్ బుక్ లో పేర్కొన్నారు.

నా భార్య వేధించింది

నష్టాల పాలై క్లిష్టపరిస్థితుల్లో ఉన్న తనను భార్య వేధింపులకు గురి చేసిందని, ఆమె సోదరులు కూడా తనను వేధించారని పేర్కొన్నారని.... అతుల్ తాప్కిర్ ఆత్మహత్య వెనక అసలు కారణాలు ఏమిటనే విషయమై దర్యాప్తు చేస్తున్నామని పోలీసులు తెలిపారు.

ఇలా చేస్తాడనుకోలేదు

ఢోల్ తాశే మూవీ సహ నిర్మాత మాట్లాడుతూ... అతుల్ ఎప్పుడూ నవ్వుతూ ఉండేవాడు, అలాంటి వ్యక్తి ఆత్మహత్య చేసుకున్నాడని తెలిసి షాకయ్యాను. మానసిక ఆందోళనలో ఉన్నట్లు ఎప్పుడూ కనిపించలేదు. సినిమా బాక్సాఫీసు వద్ద సరిగా ఆడలేదు, నష్టాలు వచ్చిన మాట నిజమే. దీని గురించి మేము మాట్లాడుకున్నపుడు ఈ నష్టాన్ని లైట్ తీసుకుని జీవితాన్ని ముందుకు సాగించాలని అనుకునే వారం...కానీ అతుల్ ఇలా చేస్తాడని అనుకోలేదని తెలిపారు.