'ప్రేమ పాతది...ప్రేమికులు కొత్తవాళ్లు'

By Staff

| Published: Friday, February 20, 2009, 14:27 [IST]

'ప్రేమ పాతది... ప్రేమికులు కొత్తవాళ్లు' అనే కాన్సెప్ట్‌తో రూపొందిస్తున్న ఈ చిత్రానికి స్ఫూర్తి బాలచందర్‌ 'మరో చరిత్ర'. ఆ చిత్రం మూలకథను తీసుకుని మార్పులు చేశాం అంటున్నారు ప్రముఖ నిర్మాత దిల్ రాజు. దాదాపు ముఫ్పై సంవత్సరాల క్రిందట(1978) రిలీజై సంచలనం సృష్టించిన మరో చరిత్ర మరో సారకి తెరకెక్కుతోంది. అమెరికా బ్యాక్‌డ్రాప్‌తో రూపొందే ఈ సినిమా మొదటి షెడ్యూలు అమెరికాలో జరుగుతుంది. రెండో షెడ్యూలు హైదరాబాద్‌, వైజాగ్‌లో జరుగుతుంది.

ఇక దర్శకుడు గా రేస్ చిత్రానికి సినిమాటోగ్రఫీ ని అందించిన రవి యాదవ్ ఈ చిత్రాన్ని పరిచయమవుతున్నారు(నీలకంఠ షో చిత్రానికి కూడా ఈయన కెమెరాని అందించారు).అలాగే ఈ సినిమా ద్వారా దిల్ రాజు మ్యాట్నీ ఎంటర్‌టైన్‌మెంట్‌ సంస్థను ప్రారంభిస్తున్నారు. తెలుగు, తమిళ భాషల్లో రూపొందే ఈ చిత్రాన్ని తమిళంలో మ్యాట్నీ ఎంటర్‌టైన్‌మెంట్‌, జెమినీ ఫిలిం సర్క్యూట్‌ సంస్థలు సంయుక్తంగా నిర్మిస్తున్నాయి. ఈ సినిమా ద్వారా ఆయన తమిళ సినిమా రంగంలోనూ ప్రవేశిస్తున్నాను. మిక్కీ జె.మేయర్‌ సంగీత దర్శకత్వంలో నాలుగు పాటల రికార్డింగ్‌ పూర్తయింది. మరో రెండు పాటలు బ్యాలన్స్ ఉన్నాయి.

వరుణ్‌ సందేశ్‌ మాట్లాడుతూ, కమల్‌ హాసన్‌ను ఎంతో అభిమానించే తాను ఆయన ధరించిన పాత్రలో నటించడం పట్ల సంతోషాన్ని వ్యక్తం చేశారు. హీరోయిన్ గా పరిచయవుతున్న అనిత మాట్లాడుతూ, అమెరికాకు చెందిన తన మొదటి చిత్రం షూటింగ్‌ అమెరికాలో జరుగబోవడం పట్ల సంతోషాన్ని వ్యక్తం చేశారు.