నిజమా! అంత చెత్త సినిమానా?

నిన్న రిలీజైన ఎస్వీకృష్ణారెడ్డి మస్త్ సినిమా గురించే అంతా చెత్త సినిమాగా కామెంట్ చేసుకుంటున్నారు. అందులోనూ నిన్న రిలీజైన ఈ సినిమా ఒక రోజుకే కొన్ని ధియోటర్స్ లో తీసేసారు. దాంతో ఈ మౌత్ టాక్ స్ప్రెడ్ అయింది. ఇక ఈ సినిమాలో శివాజి,శ్రీనివాస రెడ్డి,అలీ హీరోలుగా చేసారు. బాలివుడ్ టామ్..డిక్..హేరీ సినిమాని కాపీ చేసిన ఈ చిత్రంలో శివాజి గుడ్డివాడు,శ్రీనివాస రెడ్డి మూగవాడు. వీళ్ళ స్నేహితుడు అలీ వీళ్ళద్దరకీ సాయిం చేస్తూంటాడు.ఈ లోగా వారికి హీరోయిన్ (అంచల)పరిచయమవుతుంది. ఆమెను ఓ దాదా(ముకుల్ దేవ్) ప్రేమించమంటూ వెంబడిస్తూంటాడు. అతని బారి నుండి వీళ్ళు ఎలా తప్పిస్తారనేది మిగతా కథ. ఇక చివర్లో కాంగ్రేస్ ప్రచార చిత్రంలా శివాజికి కళ్ళు,శ్రీనివాస రెడ్డికి మాటలు వస్తాయి..ఆరోగ్య శ్రీ పధకం ద్వారా అని తేల్చేసారు.

అలాగే జీ మోషన్ ఫిక్చర్స్ వారు తొలిసారిగా తెలుగులో నిర్మించిన ఈ చిత్రం చూసిన వారు తెగులు పట్టిన కోడిలా గిలగిల్లాడాల్సిందేనని అంటున్నారు. అలాగే గతంలో ఎన్నో హిట్స్ ఇచ్చిన కృష్ణారెడ్డి ఇక కృష్ణా రామా అనుకుంటూ...సినిమా ఫీల్డ్ కి దూరమైపోతే గతమెంతో ఘనకీర్తి అని పొగుడుకునే అవకాశముంటుందంటున్నారు. ఓ డ్రామాలా నడిచిన ఈ సినిమాకి స్క్రిప్టు కూడా పెద్ద లోపమైంది. ఇవన్నీ చూస్తూంటే సీనియర్ నటుడు సురేష్ పై ఆ మధ్య కమీషన్ తీసుకుని సినిమాలు ఇచ్చాడన్న ఆరోపణ నిజమే అయ్యుంటుందని ఫిల్మ్ సర్కిల్స్ లో చెప్పుకుంటున్నారు. కరెక్టేనేమో...