సుధీర్ బాబు సరసన అల్లరి నరేష్ హీరోయిన్

By Srikanya

Published: Thursday, September 12, 2013, 9:01 [IST]

హైదరాబాద్ : 'ప్రేమ కథా చిత్రమ్'తో హిట్ కొట్టిన మహేష్ బాబు బావ సుధీర్ బాబు త్వరలో 'మాయదారి మల్లిగాడు' అనే చిత్రంతో ప్రేక్షకుల ముందుకు రాబోతున్న సంగతి తెలిసిందే. ఈ చిత్రంలో హీరోయిన్ గా పూర్ణని ఎంపిక చేసినట్లు సమాచారం. గతంలో పూర్ణ.. అల్లరి నరేష్ సరసన సీమ టపాకాయి చిత్రం చేసింది. ఆ చిత్రం విజయంతో రవిబాబు దర్శకత్వంలో రూపొందిన అవును చిత్రం చేసింది. గ్లామర్ హీరోయిన్ గా గుర్తింపు తెచ్చుకున్న పూర్ణ మంచి పాత్రలు వస్తేనే చేద్దామని కావాలనే గ్యాప్ తీసుకున్నానని చెప్తోంది.

'మాయదారి మల్లిగాడు' సినిమా పేరుతో సుధీర్ బాబు మామయ్య అయిన సూపర్ స్టార్ కృష్ణగారు అప్పట్లో ఒక సినిమా చెయ్యడం గమనార్హం. ఈ సినిమాతో హనుమాన్ అనే ఒక కొత్త దర్శకుడు పరిచయం కానున్నాడు. ఆ మధ్య ఈ సినిమా యొక్క ఫస్ట్ లుక్ ని విడుదల చేసారు. అది అందరి మన్ననలు పొందింది. ఇందులో సుధీర్ బాబు చాలా స్టైలిష్ గా కనిపిస్తున్నాడు. రేవన్ కుమార్ ఈ సినిమాకు నిర్మాత. రాదన్ సంగీతం అందిస్తున్నాడు.

'మాయదారి మల్లిగాడు' అనేది సూపర్ స్టార్ కృష్ణ నటించిన చిత్రం టైటిల్. 1973లో ఆదుర్తి సుబ్బారావు దర్శకత్వంలో కృష్ణ, మంజుల జంటగా ఈ చిత్రం రూపొందింది. టైటిల్ క్యాచీగా ఉండటంతో పాటు, మామయ్య సినిమా పేరుతో సినిమా తీస్తే మంచి రెస్పాన్స్ వస్తుందనే ఉద్దేశ్యంతో సుధీర్ బాబు స్వయంగా తన తర్వాతి చిత్రానికి ఈ టైటిల్ సెలక్ట్ చేసుకున్నట్లు స్పష్టం అవుతోంది. ఇటీవల విడుదలైన 'ప్రేమ కథా చిత్రమ్'లో కృష్ణ నటించిన 'పచ్చని కాపురం' చిత్రంలోని 'వెన్నలైనా చీకటైనా' పాటను రీమిక్స్ చేయడం సుధీర్ బాబుకు కలిసొచ్చింది. బహుషా ఆ సెంటిమెంటుతోనే మామయ్య సినిమాలపై సుధీర్ బాబు కన్నుపడినట్లు స్పష్టమవుతోంది.

More from Filmibeat