మిడిల్ క్లాస్ అంటే ఇదే, చెప్పేసిన నాని: ఎంసీఏ టీజర్ వచ్చేసింది

టీజర్‌ కొద్దిసేపటికిందటే రిలీజ్ అయ్యింది

నాని సాయిపల్లవి జంటగా నటిస్తున్న "ఎంసీఏ" (మిడిల్ క్లాస్ అబ్బాయ్) టీజర్‌ కొద్దిసేపటికిందటే రిలీజ్ అయ్యింది. ఇటీవల దీపావళి సందర్భంగా విడుదల చేసిన ‘‘ఎంసీఏ-మిడిల్ క్లాస్ అబ్బాయ్' ఫస్ట్‌లుక్‌కి సూపర్ రెస్పాన్స్ రావడంతో టీజర్‌పై అంచనాలు ఏర్పడ్డాయి. ఇప్పుడు నాని తన అభిమానులకు మరో సర్ ప్రైజ్ గిఫ్ట్ ఇచ్చాడు.

ఎంసీఏ అంటే....

ఇక తాజాగా చిత్ర టీజర్ విడుదల చేసి ఫ్యాన్స్ లో జోష్ పెంచింది చిత్ర యూనిట్ . ఇందులో ఎంసీఏ అంటే ఏంటో క్లుప్తంగా వివరించాడు నాని. "ఎప్పుడైనా షర్ట్ బటన్ ఊడిపోతే పిన్నీసు పెట్టుకొని మ్యానేజ్ చేసావా?? అంటూ మొదలుపెట్టి మొత్తంగా మిడిల్ క్లాస్ మైండ్ సెట్ ని చూపించేసాడు.

ఎప్పుడు పెళ్ళిచేసుకుందాం?

ఇక కొసమెరుపుగా సాయిపల్లవి క్యూట్ గా "నువ్వు నాకు బాగా నచ్చావ్ ఎప్పుడు పెళ్ళిచేసుకుందాం?" అని అడగటం ఇంకా సూపర్గా ఉంది. మొత్తానికి 'ఎంసిఏ' అలియాస్ 'మిడిల్ క్లాస్ అబ్బాయి' టీజర్ మాత్రం అదిరిందనే చెప్పాలి. ఒకరకంగా సినిమా థీం మొత్తాన్నీ ఈ ఒక్క టీజర్లోనే చెప్పేసారు.

కృష్ణార్జున యుద్ధం

దిల్ రాజు నిర్మాణంలో రూపొందుతున్న ఈ చిత్రంలో సాయి పల్లవి కథానాయికగా నటించింది. ప్రస్తుతం ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటుంది. దేవి శ్రీ ప్రసాద్ సంగీత సారథ్యంలో రూపొందిన పాటలని త్వరలోనే విడుదల చేసేందుకు ప్లాన్ చేసుకుంటుంది చిత్ర యూనిట్. నాని నటిస్తున్న కృష్ణార్జున యుద్ధం కూడా శరవేగంగా షూటింగ్ జరుపుకుంటుంది. సంక్రాంతికి ఈ చిత్రాన్ని రిలీజ్ చేయాలని భావిస్తున్నారు.