వీధి చివ‌ర ఉంటాదో టీ కొట్టు : మిలియన్ వ్యూస్ దాటిన ఎంసీఏ సాంగ్

పిన్నీస్‌ పెట్టుకుని మ్యానేజ్‌ చేశావా?

ఇటివలే ఈ సినిమా టీజర్ విడుదల చేశారు. "ఎప్పుడైనా షర్ట్‌ బటన్‌ వూడిపోతే పిన్నీస్‌ పెట్టుకుని మ్యానేజ్‌ చేశావా? మామూలు జీన్స్‌ని బ్లేడ్‌తో కట్‌ చేసి టోర్న్‌ జీన్స్‌లా కలర్‌ ఇచ్చావా? అంతెందుకు ఎప్పుడైనా అలా రోడ్డుపై వెళుతూ బస్‌స్టాప్‌లో ఓ అందమైన అమ్మాయిని చూసి ఇద్దరు ముగ్గురు పిల్లలతో ఓ ఫ్యామిలీ ఫొటోను వూహించుకున్నావా? ఇవన్నీ చేసుంటే తెలిసేది ఎంసీఏ అంటే మిడిల్‌ క్లాస్‌ అబ్బాయని అని ఓ డైలాగ్ చెప్పాడు నాని. ఇప్పటికైతే మంచి పాజిటివ్ బజ్ తోనే సాగుతోందీ సినిమా..

వీధి చివ‌ర ఉంటాదో టీ కొట్టు

నిన్ననే ఈ సినిమాలోని టైటిల్ సాంగ్‌ని విడుద‌ల చేశారు. 'వీధి చివ‌ర ఉంటాదో టీ కొట్టు.. ఆడ మేం తాగే టీ ఏమో వ‌న్ బై టూ' అంటూ సాగుతోన్న ఈ సాంగ్ అదుర్స్ అనిపిస్తోంది. ప్ర‌తి చ‌ర‌ణం చివ‌ర 'మేమే మిడిల్ క్లాస్ అబ్బాయిలం ఎమ్‌సీఏ' అంటూ సాగుతోంది. అప్పుడే మిలియన్ వ్యూస్ దాటేసింది.

ఫేస్‌బుక్‌లో ఫ్రెండ్స్ ఎక్కువ

'పాస్‌బుక్‌లో పైస‌ల క‌న్నా ఫేస్‌బుక్‌లో ఫ్రెండ్స్ ఎక్కువ' అనే ఈ పాట‌లోని రెండు లైన్ల‌ను నాని త‌న ట్విట్ట‌ర్ ఖాతాలో పేర్కొంటూ ఈ పాట‌ను విడుద‌ల చేశాడు. ఈ సినిమాకి వేణు శ్రీరామ్ దర్శకత్వం వ‌హిస్తున్నారు. దిల్ రాజు నిర్మిస్తున్న ఈ సినిమాలో ‘ఫిదా' సినిమా హీరోయిన్ సాయిపల్లవి హీరోయిన్ గా నటిస్తోంది.

డిసెంబర్ 15న విడుదల

దేవిశ్రీ ప్రసాద్ సంగీతం అందిస్తున్నారు కాబట్టి మ్యూజికల్ గా కూడా ఈ చిత్రంపై మంచి హోప్స్ పెట్టుకున్నారు ప్రేక్షకులు. నూతన దర్శకుడు వేణు శ్రీరామ్ డైరెక్ట్ చేస్తున్న ఈ చిత్రాన్ని దిల్ రాజు నిర్మించారు. ఈ చిత్రాన్ని డిసెంబర్ 15న విడుదల చేయాలని నిర్ణయించిన టీమ్ ప్రచార కార్యక్రమాల్ని ముమ్మరం చేసింది.