మళ్ళీ 'మీరా చోప్రా'

By Staff

Published: Thursday, March 12, 2026, 0:18 [IST]

'బంగారం', 'వాన' సినిమాలతో తెలుగు వారికి పరిచయమైన మీరా చోప్రా కెరీర్ ఫ్లాఫులతో పయినిస్తున్నా అవకాశాలుకు మాత్రం కొదవ లేదు. ప్రస్తుతం ఆమె చంద్ర సిద్ధార్థ్ సినిమాలో నటించటానికి సైన్ చేసింది. ఇంతకు ముందు తెలుగులో రెండు చిత్రాల్లో నటించినప్పటికీ తనకే గుర్తింపు రాలేదని ఈ కొత్త సినిమాతో తాను తెలుగులో సెటిల్ అవ్వచ్చనని ఆమె భావిస్తోందిట. ఇక ఈ కొత్త చిత్రం చంద్ర సిద్ధార్థ దర్శకత్వంలో చంద్ర సిద్దార్ధ ఫిలింస్‌ పతాకంపై రూపుదిద్దుకోనుంది. దానికి ఫైనాన్సియర్ గా ఓ ప్రముఖ టీ.వీ. ఛానెల్ వారు వ్యవహించనున్నారు.

ఇక ఈ కొత్త చిత్రంలో ఆమె 'గమ్యం' తో పాపులర్ అయిన శర్వానంద్ సరసన నటించబోతుంది. ఈ చిత్రం పూర్తి ప్రేమకథా నేపథ్యంలో, ఎంటర్‌టైనర్‌గా తెరకెక్కనుందని సమాచారం. ఇంతకు ముందు చంద్రసిద్ధార్ధ 'ఇదీ సంగతి' సినిమాతో ఫ్లాఫులలో ఉన్నాడు. ఆయనకీ ఈ సినిమాపై చాలా ఆశలు ఉన్నాయి. మరో ప్రక్క మీరా చోప్రా తమిళ సినిమాల్లో నీల పేరుతో సినిమాలు చేస్తూ బిజీ బిజీగా ఉంది. ఆమె తమిళంలో అర్జున్ హీరోగా నటించిన చిత్రం "సింగమలై" పేరుతో ఇక్కడా రిలీజైంది. అలాగే ఆమె ప్రస్తుతం తమిళ చిత్రం 'ఖిలాడీ' షూటింగ్ లో ఉంది.

More from Filmibeat