Don't Miss!
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- News మైండ్ బ్లాక్, డీసీఎం తమ్ముడి ఆస్తుల విలువ..? తల్లి, అన్న దగ్గర అప్పులు చేసిన సిట్టింగ్ ఎంపీ!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Sports హేటర్స్ ఎంతకు తెగించారు: చివరికి హార్దిక్ పాండ్యా వైఫ్ను కూడా
- Automobiles ప్రపంచంలోనే 'ది బెస్ట్ కారు' ఇదే.. 29 దేశాల నుంచి 100 మంది ఆటో మొబైల్ జర్నలిస్ట్లు ఎంపిక చేసిన కారు ఏదంటే??
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
హనుమంతరావు మృతిపై చిరంజీవి ఉద్వేగం.. భోరుమని విలపించిన కవిత..
ప్రముఖ హాస్యనటుడు గుండు హనుమంతరావు ఇకలేరన్న వార్తతో సీనీ ప్రముఖులు, అభిమానులు తల్లడిల్లిపోయారు. గతకొద్దికాలంగా తీవ్ర అనారోగ్యానికి గురైన ఆయన సోమవారం తెల్లవారుజామున తుదిశ్వాస విడిచిన సంగతి తెలిసిందే. హనుమంతరావు భౌతికకాయాన్ని సందర్శించిన ప్రముఖులు ఆయనకు నివాళులు అర్పించారు. హనుమంతరావుతో తమకున్న అనుబంధాన్ని పంచుకుంటూ పలువురు ఉద్వేగానికి లోనయ్యారు. హనుమంతరావు మృతికి చిరంజీవికి తీవ్ర సంతాపం తెలిపారు. సినీ నటి కవిత భోరున విలపించింది.
Recommended Video
మృతివార్తతో కలత చెందాను
గుండు హనుమంతరావు మృతికి సంతాపం ప్రకటిస్తూ మెగాస్టార్ చిరంజీవి ఓ ప్రకటన విడుదల చేశారు. ‘తెలుగు చిత్రసీమలో ప్రతి హాస్యనటుడిదీ ఒక్కో శైలి. అలానే గుండు హనుమంతరావుగారు సైతం తనదైన శైలితో కోట్లాది తెలుగు ప్రేక్షకులకు మూడు దశాబ్దాలుగా వినోదాన్ని అందిస్తూ వచ్చారు. ఆ మధ్య ఆయన అనారోగ్యానికి గురయ్యారని తెలిసి కలత చెందాను. నా వంతు సాయం అందించాను' అని పేర్కొన్నారు.
మంచి నటుడిని కోల్పోయాం
పరిపూర్ణ ఆరోగ్యంతో ఆయన తిరిగి సినిమాల్లో నటిస్తారని భావించాను. కానీ ఇంతలోనే ఈ దుర్వార్త వినాల్సి వచ్చింది. గుండు హనుమంతరావు గారి మృతితో తెలుగు సినిమా రంగం మంచి నటుడినే కాదు, చక్కని మనిషినీ కోల్పోయింది. ఆయన ఆత్మకు సద్గతులు ప్రాప్తించాలని, వారి కుటుంబానికి దేవుడు మనోధైర్యాన్ని అందించాలని కోరుకుంటున్నాను అని చిరంజీవి తన సంతాప ప్రకటనలో తెలిపారు.
సినీ ప్రముఖుల పరామర్శ
హైదరాబాద్ సంజీవరెడ్డి నగర్లోని గుండు హనుమంతరావు నివాసానికి వెళ్లి ఆయన భౌతిక కాయానికి పలువురు సినీ, రాజకీయ ప్రముఖులు నివాళులర్పించారు. పలువురు ఆయన లేని లోటు తలచుకొని ఉద్వేగానికి లోనయ్యారు.
భోరున విలపించిన కవిత
హనుమంతరావు భౌతికకాయంపై పుష్ఫగుచ్చాన్ని సినీ నటి కవిత నివాళులర్పించారు. ఆ తర్వాత భౌతికకాయం వద్ద భోరున విలపించారు. కవిత విలపించడం చూసి అక్కడ ఉన్నవారు కంటతడి పెట్టారు.
ఆత్మకు శాంతి కలుగాలని
అనంతరం హనుమంతరావుతో ఉన్న అనుబంధాన్ని కవిత గుర్తు చేసుకొన్నారు. హనుమంతరావు మంచి నటుడు. చాలా ఏళ్లుగా ఆయనతో వ్యక్తిగత పరిచయం ఉంది అని కవిత తెలిపారు. ఏ లోకాన ఉన్నా హనుమంతరావు ఆత్మకు శాంతి చేకూరాలని భగవంతుడిని ప్రార్థించారు.