సౌత్ సినిమాలే టాప్: 2017లో ట్విట్టర్లో సునామీ సృష్టించిన సినిమాలు ఇవే...

బాహుబలి, మెర్సల్ టాప్

మైక్రోబ్లాగింగ్ సైట్ ట్విట్టర్లో 2017లో ఎక్కువగా బాహుబలి, మెర్సల్ గురించే చర్చించారని, 2017 ప్రథమార్థంలో బాహుబలి డామినేషన్ కొనసాగిందని, ద్వితీయార్థంలో ‘మెర్సల్' గురించి ఎక్కువ చర్చ జరిగిందని ట్విట్టర్ ఓ రిపోర్టు విడుదల చేసింది.

దుమ్మురేపిన బాహుబలి

‘బాహుబలి' సినిమా గురించి జరిగినంత చర్చ ఏ సినిమాపై జరుగలేదని, ఈ సినిమా విడుదల ముందు చాలా మంది దీని గురించి చర్చించారని, విడుదల తర్వాత చర్చ రెట్టింపు స్థాయికి చేరిందని ట్విట్టర్ వెల్లడించింది.

1.7 మిలియన్ ట్వీట్స్

మెర్సల్ సినిమా గురించి మూడు రోజుల్లోనే 1.7 మిలియన్ ట్వీట్స్ చేశారని, ఈ ఏడాది టాప్ హాష్ ట్యాగ్ ట్రెడింగ్‌లో కూడా మెర్సల్ మొదటి స్థానంలో నిలిచిందని ట్విట్టర్ ప్రకటించింది.

ట్విట్టర్ ఈమోజీ కలిగిన మొదటి చిత్రం

సొంత ట్విట్టర్ ఈమోజీ కలిగిన తొలి చిత్రంగా కూడా ‘మెర్సల్' రికార్డులకెక్కింది. ఇప్పటి వరకు ఏ ఇండియన్ సినిమాకు కూడా ఇలాంటి సొంత ట్విట్టర్ ఈమోజీ కలిగి లేదు. ఇకపై ఇలాంటి ఈమోజీలు వచ్చే అవకాశం ఉంది.

ఆ విషయంలో సూర్య మూవీ టాప్

సూర్య నటిస్తున్న తాజా చిత్రం 'తానా సెరెంద కూట్టమ్‌'. ఈ సినిమాపై సూర్య ట్వీట్ చేయగా ఏడాది అత్యధిక మంది రిట్వీట్ చేసిన ట్వీట్‌గా నిలిచింది. దీన్ని 68,808 రీ ట్వీట్, 112,984 లైక్స్ వచ్చాయి.