మీటూ: హీరోయిన్ శృతి కేసులో అర్జున్‌ను అరెస్టు చేస్తారా?

మూడు సెక్షన్ల కింద కేసు...

అర్జున్ మీద మొత్తం మూడు సెక్షన్ల కింద కేసు నమోదు చేశారు. అందులో మొదటిది ఐపీసీ 354(మహిళల గౌరవానికి భంగం కలిగించడం), ఐపీసీ 354ఎ (లైంగిక వేధింపులు), 509 (మహిళల గౌరవానికి భంగం కలిగించే మాటలు మాట్లాడటం లేదా చర్యలు చేయడం) కింద కేసు నమోదు చేశారు.

రుజువైతే దాదాపు మూడేళ్ల శిక్ష

2013 చట్టంతో పాటు విశాఖ మార్గదర్శక సూత్రాల ప్రకారం లైంగిక వేధింపుల ఫిర్యాదు చేయడానికి ఇంత కాలం అనేది ఏమీ ఉండదు. గతంలో ఎప్పుడో జరిగిన వాటి గురించి కూడా ఎప్పుడైనా ఫిర్యాదు చేయచ్చు. ఐపీసీ సెక్షన్ 354 ప్రకారం పనిప్రదేశంలో లైంగిక వేధింపులకు పాల్పడినట్లు తేలితే మూడేళ్ల వరకు జైలుశిక్ష పడే అవకాశం ఉంది.

నిపుణులు ఏమంటున్నారు

అయితే శృతి హరిహరన్ కేసు విషయంలో పోలీసులు... అర్జున్‌ను అరెస్టు చేసి జైల్లో పెట్టేంత పెద్ద నిర్ణయం తీసుకోక పోవచ్చు. దేశ వ్యాప్తంగా మీటూ ఉద్యమం జరుగుతోంది, పైగా శృతి హరిహరన్, అర్జున్ వివాదం కాస్త భిన్నమైనది అని నిఫుణులు అభిప్రాయ పడుతున్నారు.

మేనేజర్ మీద కూడా?

అర్జున్ మీద మాత్రమే కాదు.... అతడి మేనేజర్ ప్రశాంత్ సంబర్గి మీద కూడా శృతి హరిహరన్ పోలీసులకు ఫిర్యాదు చేసినట్లు తెలుస్తోంది. లీగల్‌గా ముందుకు వెళితే తీవ్ర పరిణామాలు ఎదుర్కోవాల్సి వస్తుందని ప్రశాంత్ సంబర్గి బెదిరించిటన్లు ఆమె ఫిర్యాదులో పేర్కొన్నట్లు సమాచారం.