మైకల్ జాక్సన్ కి కొత్త పిచ్చి

పాప్‌ ప్రపంచంలో చక్రవర్తిగా వెలగొందుతున్న సూపర్‌ స్టార్‌ మైఖేల్‌ జాక్సన్‌ కు కొత్త ఫోబియా పట్టుకుంది. బరువెక్కుతాననే భయం ఆయన్ని వణికిస్తోంది. అందుకే కొద్ది రోజులుగా ఆయన తిండి తినడం కూడా మానేశారు. స్కిన్ క్యాన్సర్‌ తో బాధపడుతున్న మైఖేల్‌ జాక్సన్‌ ఇంకెంత మాత్రం ఒళ్లు చేయడానికి ఇష్టపడటంలేదు. ఏమాత్రం లావెక్కినా వ్యాధి మరింత తీవ్రమవుతుందని...క్యాన్సర్‌ తో పోరాడే శక్తి తగ్గుతుందని ఆయన భయం. దీంతో తిండి తినడం బాగా తగ్గించాడని సమాచారం.

ఇవి గమనించిన వారు జాక్సన్ ఓ మానసిక విశ్లేషకుడుని కలవాల్సిన అవసరముందని సుచిస్తున్నారు. ఇక మైఖేల్‌ ఇలాగే కంటెన్యూ బాగా బరువు తగ్గి మరింత బలహీనపడుతున్నారని సన్ ఆన్ లైన్ పత్రిక వెల్లడించింది. ఇక జాక్సన్ తాను పాల్గొనవల్సిన కాన్సర్ట్ ని వచ్చే మార్చి కి వాయిదా వేస్తున్నారు. అలాగే త్వరలో పాల్గొనవల్సిన షో లకు ఆయన ఇలా డీలా పడితే ఎలా వర్కవుట్ అవుతుందనేది అభిమానులు సందేహం వ్యక్తం చేస్తున్నారు. దాదాపు యాభై షోలు దాకా జాక్సన్ పాల్గొంటారని పబ్లిసిటి జరిగింది.