Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
Mike Tyson: లైగర్లో నటించిన విషయం మర్చిపోయిన మైక్ టైసన్!.. వీడియో వైరల్..
టాలీవుడ్ డేరింగ్ అండ్ డ్యాషింగ్ డైరెక్టర్ పూరీ జగన్నాథ్, స్టార్ విజయ్ దేవరకొండ కాంబినేషన్లో తొలిసారిగా వచ్చిన చిత్రం లైగర్. ప్రముఖ బాలీవుడ్ సినీ నిర్మాణ సంస్థ ధర్మ ప్రొడక్షన్స్, పూరీ కనెక్ట్ బ్యానర్స్పై పూరీ జగన్నాథ్, ఛార్మీ, కరణ్ జోహర్ సంయుక్తంగా నిర్మించారు. ఈ మూవీలో లెజండరీ బాక్సర్ మైక్ టైసన్ నటిస్తున్నాడనే వార్తలు వచ్చినప్పటినుంచి లైగర్పై విపరీతమైన క్రేజ్ ఏర్పడింది.
అయితే మొత్తానికి లైగర్లో మైక్ టైసన్ నటించడం, అతని క్యారెక్టరజేషన్ బాగా లేదని ఆడియెన్స్ ఓపెన్గానే ఫీలయ్యారు. అందులో ఆయన నటించిన విషయం మరిచిపోతే బాగుండు అనుకున్నారు. ఆడియెన్స్ ఏమో గానీ లైగర్లో నటించిన విషయాన్ని మైక్ టైసన్ నిజంగానే మర్చిపోయారనిపిస్తోంది ఈ వీడియో చూస్తుంటే.
భారీగా అంచనాలు..
టాలీవుడ్లో మాస్ డైరెక్టర్ పూరి, క్రేజీ హీరోగా విజయ్ దేవరకొండ కాంబినేషన్లో ఓ మూవీ వస్తుందనగానే భారీ అంచనాలు ఏర్పడ్డాయి. ఇక ఆ మూవీకి లైగర్ అని టైటిల్ డిక్లేర్ చేయడం, అందులో లెజండరీ బాక్సర్ మైక్ టైసన్ నటించడంతో విపరీతమైన క్రేజ్ వచ్చింది. వాటికి తోడు సినిమా పోస్టర్లు, టీజర్, సాంగ్స్, ట్రైలర్ మరింత ఊపునిచ్చింది. ఇక మిక్స్డ్ మార్షల్ ఆర్ట్స్ నేపథ్యంలో లైగర్ మూవీ తెరకెక్కిన విషయం తెలిసిందే.
మరి కామెడీగా..
ఎన్నో అంచనాల మధ్య ఆగస్టు 25న వరల్డ్వైడ్గా తెలుగు, తమిళ, కన్నడ, మలయాళ, హిందీ భాషల్లో పాన్ ఇండియా సినిమాగా విడుదలైంది. అయితే అంచనాలకు భిన్నంగా లైగర్ ఫ్లాప్ టాక్ను మూటగట్టుకుంటోంది. అంతేకాకుండా ఇందులో మైక్ టైసన్ పాత్రను మరి కామెడీగా చూపించారని ఆయన అభిమానులు, ప్రేక్షకులు చాలానే ఫీలయ్యారు. ఈమాత్రం దానికి అతన్నే పెట్టాలా? ఎవరైనా కమెడియన్ను పెడితే సరిపోయేదిగా? అంటూ పూరిని తిట్టుకున్నారు.
నటించినట్లు మరిచిపోయిన టైసన్..
దీంతో లైగర్లో మైక్ టైసన్ నటించాడనే విషయం మరిచిపోతే బాగుండు అని అనుకున్నవాళ్లు చాలా మందే ఉన్నారు. అయితే తాజాగా ఈ విషయాన్ని మైక్ టైసనే మర్చిపోయినట్లు తెలుస్తోంది. ఇటీవల జరిగిన ఓ పాడ్కాస్ట్ వీడియోలో స్నేహితులతో కలిసి ముచ్చటించాడు మైక్ టైసన్. ఈ వీడియోలో ''లైగర్లో మీ పాత్ర ఏంటీ?'' అని టైసన్ను అతని ఫ్రెండ్స్ ప్రశ్నిస్తారు. దీంతో కాస్త కన్ఫ్యూజ్ అవుతాడు మైక్ టైసన్.
రెండు సెకన్లలో..
'ఏదీ మళ్లీ ఒకసారి చెప్పు' అని మైక్ అనడంతో గూగుల్లో సెర్చ్ చేసి.. ''బాక్సింగ్ లెజెండ్ మైక్ టైసన్ ఇండియన్ స్పోర్ట్స్ యాక్షన్ మూవీ లైగర్లో నటిస్తున్నారు'' అని చదివి వినిపిస్తారు టైసన్ ఫ్రెండ్స్. ఆ తర్వాత అక్కడ జరుగుతున్న చర్చ కాస్తా.. లైగర్ యానిమల్ వైపు వెళ్తుంది. 'మీరు లైగర్తో పోటీ పడ్డారా?' అని అడిగిన ప్రశ్నకు ''లేదు. దానికి ఎదురు పడితే రెండు సెకన్లలో చంపేస్తుంది'' అని సమాధానం ఇచ్చారు మైక్ టైసన్. ప్రస్తుతం ఈ వీడియో నెట్టింట వైరల్ అవుతోంది.
ఎలా ఒప్పించారు?
సో.. ఇదంతా చూస్తుంటే.. లైగర్లో నటించినట్లు మైక్ టైసన్కు అసలు గుర్తు లేనట్లే ఉంది. అలాంటి ఓ చిత్రంలో మైక్ టైసన్ నటించిన విషయమే ఆయనకు గుర్తు రాలేదు. దీంతో ఇప్పుడు అసలు లైగర్ సినిమా కోసం మైక్ టైసన్కు ఏం చెప్పి ఒప్పించారు అనే ప్రశ్న మొదలవుతోంది. సినిమా ప్రమోషన్స్లో అయితే మైక్ టైసన్ను ఒప్పించడం కోసం ఛార్మి ఎంతో కష్టపడిందని పూరి జగన్నాథ్ చాలా సందర్బాల్లో చెప్పిన విషయం తెలిసిందే.