Don't Miss!
- News కేంద్రంలో బీజేపీకి సంపూర్ణ మెజారిటీ రాకపోతే..: జగన్ నోటి వెంట జాతీయ రాజకీయాలు
- Lifestyle వీర్య కణాల సంఖ్య ఫాస్ట్గా పెరగాలంటే ఇవి వెంటనే తినండి..!
- Sports SRH ఎఫెక్ట్తో IPLలో కొత్త రూల్: బౌలర్లకు గుడ్ & బ్యాటర్లకు బ్యాడ్ న్యూస్!
- Technology 200MP కెమెరాతో వచ్చే Honor 90 ఫోన్ పై భారీ ఆఫర్! తక్కువ ధరకే పొందండి
- Finance IT News: ఇది శిక్ష-శిక్షణా.. TCS టెక్కీల కన్నీళ్లు.. అన్నంతపని చేసేసిన టెక్ దిగ్గజం..
- Automobiles మండే వేసవిలో ట్రాఫిక్ పోలీసులకు చల్లచల్లని ఏసీ హెల్మెట్లు.. ఎక్కడో తెలుసా.??
- Travel Hanuman Jayanti 2024 : ఢిల్లీలోని ఈ పురాతన హనుమాన్ దేవాలయాలను చూడాల్సిందే..!
గ్లామర్తో పిచ్చెక్కిస్తున్న యువ ఎంపీలు.. క్రేజీగా పార్లమెంట్లోకి 30 ఏళ్ల బ్యూటీలు
ఒకప్పడు సినీ రంగంలో సీనియర్లయిన తర్వాత కొంత మంది తారలు రాజకీయాల వైపు చూసేవారు. కానీ నేటితరం హీరోయిన్లు మాత్రం అందుకు భిన్నంగా ఆలోచిస్తున్నారు. కేరీర్ ఊపులో ఉండగానే రాజకీయాల వైపు దృష్టిపెడుతున్నారు. తాజాగా బెంగాల్కు చెందిన ఇద్దరు యువ హీరోయిన్లు పార్లమెంట్లోకి అడుగుపెట్టబోతుండటం దేశవ్యాప్తంగా మీడియాలో చర్చకు దారి తీస్తున్నది. 30 ఏళ్ల వయసులోనే పార్లమెంట్లో అడుగుపెట్టబోయే ఈ బ్యూటీలు చట్టసభలకు గ్లామర్ తీసుకు రాబోతున్నారు. పశ్చిమ బెంగాల్లో ఎంపీగా ఎన్నికైన హాట్ హీరోయిన్లు మిమి చక్రవర్తి, నుస్రత్, ఇతర మహిళా సినీ ఎంపీల గురించి మీ కోసం..
జాదవ్ పూర్ స్థానం నుంచి మిమి చక్రవర్తి
మిమి చక్రవర్తి తాజాగా జరిగిన ఎన్నికల్లో జాదవ్పూర్ నియోజకవర్గం నుంచి ఆల్ ఇండియా తృణమూల్ కాంగ్రెస్ తరఫున ఎంపీగా ఎన్నికయ్యారు. మోడల్, యాక్టర్గా రాణిస్తున్న ఈ అందాల సుందరి త్వరలోనే పార్లమెంట్లో అడుగుపెట్టనున్నారు. ఫెమినా మిస్ ఇండియాలో పాల్గొన్న మిమి చక్రవర్తి 2011లో బెంగాల్ సినీ, టెలివిజన్ పరిశ్రమలోకి ప్రవేశించారు. తాజాగా రాజకీయాల్లోకి ప్రవేశించిన మిమి బీజేపీ అభ్యర్థిపై 3 లక్షల ఓట్లతో విజయం సాధించారు. మిమి వయసు 30 సంవత్సరాలు.
టీఎంసీ ఎంపీగా నుస్రత్ జహాన్ విజయం
బెంగాల్ నుంచి పార్లమెంట్లో అడుగుపెడుతున్న మరో హీరోయిన్ నుస్రత్ జహాన్. 2010 మిస్ కోల్ కతాగా ఎన్నికైన తర్వాత సినీరంగంలోకి ప్రవేశించింది. సినిమాలో అగ్రతారగా రాణిస్తూనే రాజకీయాలపై ఆసక్తి చూపింది. మార్చి 12న నుస్రత్ను బెంగాల్ సీఎం మమతా బెనర్జీ రాజకీయాల్లోకి ఆహ్వానించింది. బసిర్హత్ లోక్సభ నియోజకం వర్గంలో టీఎంసీ అభ్యర్థిగా అవకాశం ఇవ్వడంతో పోటీ చేసి గెలుపొందింది. నుస్రత్ వయసు 29 సంవత్సరాలు.
అమేథీలో సృతి ఇరానీ హవా
ఇక గ్లామర్ ప్రపంచం నుంచి ఎన్నికైన టాప్ యాక్టర్లలో సృతి ఇరానీ ఒకరు. అమేథీ నుంచి రాహుల్ గాంధీపై ఘనవిజయం సాధించారు. పార్లమెంట్లోకి అడుగుపెట్టడం సృతికి ఇది మూడోసారి. గతంలో మంత్రి పదవిని కూడా చేపట్టిన విషయం తెలిసిందే. టెలివిజన్ సీరియల్స్లో ప్రజాదరణ పొందిన నటి సృతి బీజేపీలో గత కొద్ది సంవత్సరాలుగా కొనసాగుతున్నారు.
పార్లమెంట్లోకి హేమ, కిరణ్ ఖేర్ మరోసారి
పార్లమెంట్కు వెళ్తున్న మరో సీనియర్ నటి హేమమాలిని. మథుర నియోజకర్గం నుంచి బీజేపీ టికెట్పై విజయం సాధించారు. అలాగే కిరణ్ ఖేర్ చంఢీగడ్ లోక్సభ నుంచి గెలిచి మరోసారి పార్లమెంట్లో అడుగుపెడుతున్నారు. హేమామాలిని, కిరణ్ ఖేర్ ఇప్పటికే పార్లమెంట్లో సీనియర్ సభ్యులుగా వ్యవహరిస్తున్నారు.