For Quick Alerts
    ALLOW NOTIFICATIONS  
    For Daily Alerts

    సంచలన చిత్రం ‘సలాం బాంబే’రీరిలీజ్

    By Srikanya
    |

    న్యూఢిల్లీ: ఒక తరం సిని అభిమానులందరికీ 'సలాం బాంబే' చిత్రం సుపరిచితమే. ఆస్కార్‌కు సైతం నామినేట్ అయిన మీరా నాయర్ సంచలనాత్మక చిత్రం 'సలాం బాంబే' మరోసారి వెండితెరపైకి వస్తోంది. 1988లో విడుదలైన ఈ సినిమా అంతర్జాతీయస్థాయి ఖ్యాతిని సొంతం చేసుకుని,ప్రేక్షకుల అభిమానాన్ని పొందింది. ఈ చిత్రం ఈ నెల 22న మళ్లీ విడుదల అవుతోంది.

    ఈ విషయమై మీరానాయర్ మాట్లాడుతూ...'కొత్త తరం ప్రేక్షకులకు ఈ సినిమాను చూపించడం ఎంతో సంతోషంగా ఉంది. నేటికీ దీని కథ సజీవంగానే ఉంది' అని ఆమె అన్నారు. మరో సారి తన చిత్రం విడుదల అవుతుండడంతో దర్శకురాలు మీరా నాయర్ ఆనందోత్సాహాల్లో మునిగితేలుతోంది. ముంబై రెడ్‌లైట్ ప్రాంతంలో జరిగే కథ ఇది.

    ముంబై రెడ్‌లైట్ ప్రాంతంలో వ్యభిచారులు, మాదకద్రవ్యాలు రవాణాదారులుగా పొట్టపోసుకునే అనాథ బాలల వ్యధాభరిత జీవితాలను సలాం బాంబే కళ్లకు కట్టినట్లు చూపెట్టింది. రూ.500 సంపాదించాక తిరిగి తల్లి ఒడికి చేరుకోవాలని తపించే కృష్ణ అనే బాలుడి కథను మీరా ఇందులో తెరకెక్కించారు. అంతేకాదు నిజంగా వ్యభిచారం చేస్తూ మాదకద్రవ్యాల రవాణాదారులుగా పనిచేసే బాలలనే ఇందులో చూపించారు.

    వీరితోపాటు షఫీక్ అహ్మద్, ఇర్ఫాన్, రఘువీర్ యాదవ్, నానా పాటేకర్, చందాశర్మ, అనితా కన్వర్ వంటి ప్రముఖ నటులూ కనిపిస్తారు. సలాం బాంబేకు జాతీయ ఉత్తమచిత్రం, కేన్స్ అంతర్జాతీయ చిత్రోత్సవం వంటి ప్రతిష్టాత్మక అవార్డులు దక్కాయి. పీవీఆర్ డెరైక్టర్స్ రేర్ సంస్థ ఈ చిత్రాన్ని మళ్లీ థియేటర్లకు తీసుకువస్తోంది. ఢిల్లీ, ముంబై, కోల్‌కతా, చెన్నై, అహ్మదాబాద్, బెంగళూరు, పుణే, గుర్గావ్‌లోని పీవీఆర్ థియేటర్లలో సలాం బాంబే విడుదలవుతుంది. ఈతరం వారికి సలాం బాంబేను చూపించడానికే తమ ప్రయత్నమని పీవీఆర్ లిమిటెడ్ ఉన్నతాధికారి సంజీవ్ కుమార్ అన్నారు. వీధి బాలల దుర్భర జీవితాలను మీరా అత్యద్భుతంగా తెరకెక్కించారని, నిజమైన ముంబైని ఇందులో చూడవచ్చని ఆయన వ్యాఖ్యానించారు.

    సలాం బాంబే, కామసూత్ర, మాన్ సూన్ వెడ్డింగ్, అమిలియా, న్యూయార్క్ ఐలవ్ యూ, ద పెరిజ్ ఫ్యామిలీ తదితర చిత్రాలకు మీరా నాయర్ దర్శకత్వం వహించారు.

    English summary
    Mira Nair’s famous debut film Salaam Bombay, about a runaway boy eking out a living as a teaboy in Mumbai’s notorious red-light area, has completed 25 years and is all set to be re-released by PVR. “It’s absolutely thrilling to bring Salaam Bombay! to a new generation of young people. The story is as alive today!,” Nair, 55, said in a statement.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X